Ձեր վստահելի աղբյուրը

«Այս պահին որևէ հստակ պայմանավորվածություններ հանդիպման մասին չկա, բայց, բնականաբար,  հստակության պարագայում մենք պատշաճ կերպով կիրազեկենք հասարակությանը»,-կառավարության մուտկի դիմաց հայտարարեց ԱԳ նախարարի տեղակալ Վահան Կոստանյանը՝ պատասխանելով բարձր մակարդակով հայ-ադրբեջանական հանդիման շուրջ պայմանավորվածություններ լինելու մասին հարցին:

Նա հայտնեց, որ վերջին շրջանում երկրների առաջնորդների մակարդակով հանդիպում տեղի չի ունեցել, բայց շարունակում են աշխատանքները:

«Ամեն դեպքում միջնորդները որաշակի աշխատանքներն են իրականացնում նոր հանդիպում կազմակերպելու ուղղությամբ»,-հայտնեց փոխնախարարը և, տեղեկացնելով, որ նախորդ օրն այցով Հայաստանում էր գտնվում Մինսկի խմբի ԱՄՆ-ի համանախագահ Լուիս Բոնոն, և հայկական կողմը մշտական կապի մեջ է մյուս միջնորդների հետ, հավելեց.«Սպասում ենք, որ տեղի կունենա նոր հանդիպում, որի մակարդակի, վայրի և միջնորդի մասին այս պահին դեռևս կդժվարանամ ասել»: