Երկուսին էլ պետք է գնդակահարել. Պեմզաշենում սպանված կնոջ ամուսին

Իրավունք 16:19 09/11/2023 Հայաստան

Երկուսին էլ պետք է գնդակահարել. Պեմզաշենում սպանված կնոջ ամուսին

«Երկուսին էլ պետք է գնդակահարել, ոչ թե կալանքը երկարացնել։ Գնդակահարվեն, հարցը փակվի, գնա»,-մեղադրյալների խափանման միջոցի վերաբերյալ միջնորդության մասին խոսելիս դատարանի դահլիճում հայտարարեց Պեմզաշենում սպանված ընտանիքի հայրը։

Տուժողի ներկայացուցիչ Գ. Գալիկյանը հայտարարեց, որ պետք է խափանման միջոց ընտրված կալանքի ժամկետը պետք է երկարացվի 3 ամիս ժամկետով, քանի որ դրա համար առկա են քրեադատավարական բոլոր հիմքերը։

Մեղադրյալ Արկադի Բարսեղյանի պաշտպանն առաջարկեց փոխել կալանքը՝ ընտրելով ազատությունից զրկելու հետ կապ չունեցող այլ միջոց։

Մեղադրական եզրակացության համառոտ բովանդակության համաձայն, Արկադի Միսաքի Բարսեղյանին մեղադրանք է առաջադրվել այն բանի համար, որ նա՝ Վրույր Հովհաննեսի Բարսեղյանի հետ նախնական համաձայնությամբ՝ ուրիշի գույքն ապօրինի, անհատույց ձեռք բերելու նախնական դիտավորությամբ, խմբով, բռնություն գործադրելով և բնակարան ապօրինի մուտք գործելով կատարել է հափշտակություն՝ ավազակություն, իր հերթին, Վրույր Հովհաննեսի Բարսեղյանի հետ խմբով, իրենց կողմից կատարված ավազակությունը (այլ հանցանքը թաքցնելու), ինչպես նաև՝ նախկինում իր կողմից Զարինե Մելիքսեթյանին արտաամուսնական կապ ունենալու առաջարկ անելու հանգամանքը թաքցնելու նպատակով, առանձին դաժանությամբ և շահադիտական նպատակով սպանել՝ ապօրինաբար կյանքից զրկել է Զարինե Սարգսի Մելիքսեթյանին, բացի այդ, իր ու Վրույր Հովհաննեսի Բարսեղյանի կողմից կատարված հանցանքները՝ ավազակությունը և սպանությունը թաքցնելու նպատակով, Վրույր Բարսեղյանի հետ խմբով, առանձին դաժանությամբ սպանել՝ ապօրինաբար կյանքից զրկել է անօգնական վիճակում գտնվող անչափահասներ՝ 12.06.2014 թվականին ծնված (8 տարեկան) Սարգիս Սևակի Մելիքսեթյանին և 07.12.2010 թվականին ծնված (11 տարեկան) Կարինե Սևակի Մելիքսեթյանին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: