Ձեր վստահելի աղբյուրը

«Ո՞վ է տնօրինում գումարը, համա՞յնքը, թե՞ ամբողջ բնակավայրն է հասցեական որոշում, թե ինչպես պետք է տնօրինել այդ գումարը»,-խորհրդարանում ՏԿԵ նախարարի տեղակալ Վաչե Տերտերյանին դիմեց «Հայաստան» խմբակցության պատգամավոր Գեղամ Նազարյանը՝ սահմանամերձ բնակավայրերին լրացուցիչ 5 մլն դրամ հատկացնելու մասին նախագծի քննարկման ժամանակ:

ՏԿԵ փոխնախարար Վաչե Տերտերյանը հայտնեց, որ բյուջետային տրամաբանությունն այնպիսին է, որ համայնքներին ուղղվող բոլոր գումարները և համայնքի սեփական եկամուտները տնօրինվում է համայնքի ավագանին:

«Նայև այն 5-ական մլն դրամները, որոնք կստանան համայնքները՝ պատիկ իրենց կազմում եղած սահմանամերձ բնակավայրերի քանակին, դրանք նույնպես կտնօրինվեն համայնքի ավագանու կողմից»,-հայտնեց Տերտերյանը և հավաստիացրեց, որ այն ուղղվելու է միայն սահմանամերձ բնակավայրերին բնորոշ խնդիրներին, քանի որ այն ամրագրված է օրենքով:

Գեղամ Նազարյանը նկատեց, որ երբ ստեղծվեցին համայնքները, նրանցում ընդգրկված բնակավայրերն այլևս չեն տնօրինում գումարները:

«Ես կխնդրեի, որ հստակ նշվի, թե այդ գումարը ո՞ր համայնքի ո՞ր խնդրի լուծման համար է տրամադրվում: Հարց է, թե ավագանին ինչպես պետք է որոշի սահմանամերձ բնակավայրերի խնդիրենրը: Բայց կան բնակավայերր կոնկրետ խնդիրներով և դրանց լուծումը թվում էր թե համայնքների առաջացմամբ և բյուջեի ավելացմամբ պետք է ավելի հեշտացվի, բայց այդտեղ ավելանում է բյուրոկրատիզմը և բնկավայերի խնդիրենրի չհասկակնալը: Այստեղ պետք է օգնենք համայնքին և բնակավայրերին, որպեսզի այդ գումարները ինչ-որ մի տեղ չնստեն ,այլ ուղղվեն կոնկրետ խնդրի»,-արձագանքեց Գեղամ Նազարյանը:

Նա խնդրեց, որ հստակեցվի, թե այդ գումարը տվյալ բնակավայրին ինչ ժամկետում պետք է հատկացվի և որ խնդիրներին:

«Դուք քննարկե՞լ, դիտարկե՞լ եք սահմանամերձ իրական բնակավայերի թիվը, վերանայման խնդիր տեսնո՞ւմ եք, թե՞ ոչ: Ես, առանց բնակավայրի անուն տալու, կարող եմ ասել, որ մի քանի բնակավայր այնտեղ հայտնվել են ծանոթի միջոցով: Այդ փաստին անդրադարձե՞լ եք. թե ոչ»,-հարցրեց Նազարյանը

Վաչե Տերտերյանն ընդունեց, որ մի քանի բնակավայրեր, իրոք, կարող եին չհայտնվել սահմանամերձի կարգավիճակ ունեցողների ցանկում՝ սկսած 2016-2017 թվականից:

«Մի քանի բնակավայրեր էլի չէին կարող հայտնվել, բայց դրանք էլ հայտնվեցին քաղաքական և հոգեբանական ծանր վիճակի հետ կապված՝ Սյունիքում վերջին տարիների դեպքերի համատեքստում: Ինչ վերաբերում է այդ 82 բնակավայրերի ցանկին, ապա մենք շատ զգույշ ենք վերաբերվում այդ ցանկն ընդարձակելուն, նույնիսկ ամեն ինչ անում ենք, որպեսզի այդ ցանկը չընդարձակենք, որովհետև խնդիրները պետք է լուծվեն, ոչ թե այդ ցանկով, այլ մնացած խնդիրները լուծելով և այդ ցանկերը չընդարձակելով: Մենք երկիր ենք, որի սահմանի մասին օրենքը կիրարկելու դեպքում բնակավայերի ճնշող մեծամասնությոնը կդառնա սահմանային»,-հայտարարեց ՏԿԵ փոխնախարարը: