Ձեր վստահելի աղբյուրը

«Մի քանի տարի է, ինչ մի իրավիճակում ենք, որին որ ես եմ ականատես լինում բավականին մոտիկից ոստիկանության վայրագությունների հետ կապված, երբ մարդկանց ուղղակի ծեծում են տեսախցիկենրի առաջ և խոսքը միայն իմ հետ կտարված վերջին դեպքի մասին չէ»,-կառավարություն-ԱԺ հարցուպատասխանի ժամանակ ՆԳՆ նախարարին դիմեց «Հայաստան» խմբակցության պատգամավոր Լևոն Քոչարյանը:

Վերջինիս խոսքով՝ դրան հաջորդող քայլի ժամանակ ոստիկաններին բերում են, որ սուտ ցուցմունք տան, որոնցից մի քանիսին անձամբ ականատես է եղել:

«Հետո գործը տանում են դատարան, դատարանը կալանք է տալիս, եզակի դեպքերում, երբ որ դատարանն ունենում է  խիզախություն՝ այն չի լինում, ու այդպես գնում է ու գործն ինչ-որ ժամանակից հետո կարճվում է».-ասաց Քոչարյանը:

Նա նշեց, որ նույնը կատարվեց իր հետ տեսախցիկների առաջ և բոլոր դեպքերը հետևանք չեն ունենում, բացվում են ձևական ծառայողական վարույթներ, իսկ նախորդ տարի էլ պատգամավորնեչը ցույցերի ժամանա մտել են ոստիկանապետի մոտ և հավաստիացում ստացել, որ կպատժվեն, բայց այն չի արվել:

Լևոն Քոչարյանը կասկածեց, որ ոստիկաննները սուտ ցուցմունքներն առանց վերադասի հրահանգի են տալիս

«Ինչպե՞ս եք պատկերացնում այդ ամենի վերջը, ի վերջո, այդ մարդկանց եք դնում շատ վատ դրության մեջ, նրանք բոլորն անցնելու են քրեական գործերով: Եթե հիմա պահում եք այս իշխանությունը, ապա հետագայում, բնականաբար, այդպես չի լինելու»,-հարցրեց Լևոն Քոչարյանը:

Ներքին գործերի նախարար Վահե Ղազարյանը ասաց. «Երկար՝ 20 տարիների աշխատելով ոստիկանությունում, ուզում եմ այս ամբիոնից օֆիցիալ հայտարարել՝ ոստիկանությունը երբևիցե նման գրագետ ձևով և համբերատար չի աշխատել, ինչ ծառայում է հենց հիմա»:

Նախարարը հայտնեց, որ Լևոն Քոչարյանի դեպքի հետ կապված քրեական վարույթ է հարուցված և ծառայողական քննություն է ընթանում, բայց վերջինս կասեցված է մինչև վարույթի ավարտը:

Ղազարյանը հայտնեց, որ ոստիկանությունը 2020 թվականից մինչ օրս շուրջօրյա ռեժիմով է աշխատել:

«Ունենք այս պատկերը, որն ունենք ՀՀ-ու և թույլ չենք տա, որ որևէ մեկն այս երկրում փորձի այն արարքը կատարի, որը եղել է նախկիոնւմ»,-հայտարարեց ՆԳ նախարարը:

Լևոն Քոչարյանն արձագանքեց. «Խնդրում եմ փորձեք մի քիչ ավելի օրիգինալ լինել: Նախկին-ներկա, այս ամեն ինչից մարդիկ հոգնել են: Հասկանում եմ, որ ինչ-որ քաղաքական կոզիր է: Նախկինում եղած վատ, իրականում շատ վատ երևույթները մեջ բերելով՝  կարծես արդարացնում եք այս ամեն ինչը»:

Հայտարարելով, որ խոսում է վերջին տարիների մասին, որոնց անձամբ է ականատես եղել, Լևոն Քոչարյանն ասաց. «Ես ականատես եմ եղել՝ ոնց է ոստիկանը ծեծում, հայհոյում, տեսախցիկների առաջ ինչպես է ընկած մարդուն քացով խփում, թե ինչպես են անչափահասներին խեղդում, աղջիկներին կոպիտ քաշելով տանում: Իհարկե, կա քրեական գործ և տեսնում ենք, թե այն ինչ է: Երկու ոստիկանի ցուցմունքով ես այսքան ժամանակ գտնվել եմ կալանքի տակ և  դեռ երկար կանցկացնեի, եթե այս ամեն ինչը չլիներ, ուղղակի ամոթ է»:

ՆԳ նախարարը հայտնեց, որ ոստիկաններն երբեք չեն ուղղորդում և ոստիկանները նման պահվածք չուն, ինչպես Լևոն Քոչարյանն է ներկայացնում:

Ղազարյանը նաև հայտնեց, թե վերջին տարիներին որևէ ցուցարարի քթից արյուն չի եկել:

Գեղամ Մանուկյանը տեղից հիշեցրեց իր կոտրված քիթը. ինչին Վահե Ղազարյանն էլ արձագանքեց՝ ասելով որ հարվածը եղել է պատահական և՝ ցուցարարի կողմից: