Ձեր վստահելի աղբյուրը

«Ռիա Նովոստին» հրապարակել է քաղաքական մեկնաբան Կիրիլլ Ստրելնիկովի ծավալուն հոդվածը Նիկոլ Փաշինյանի Մինսկ չմեկնելու ու դրա հետևանքների վերաբերյալ։

«Չնայած Կրեմլը, ՌԴ նախագահի մամուլի քարտուղար Դմիտրի Պեսկովի խոսքերով, «ափսոսանք է հայտնել», Փաշինյանի հերթական դեմարշն անակնկալ չի եղել. Մոսկվայում և ՀԱՊԿ անդամ այլ երկրների մայրաքաղաքներում ակնհայտորեն արցունք չեն թափելու։

Փաստն այն է, որ իր վարչապետության գրեթե սկզբին պրն Փաշինյանը փաստացի հայտարարեց, որ իր  հիմնական և պաշտոնական նպատակը Ռուսաստանի հետ դաշնակցային հարաբերությունների խզումն է, բոլոր ինտեգրացիոն և պաշտպանական միավորումներից դուրս գալը, ռուսական բիզնեսի դուրս մղումը երկրից`  ընդլայնելով հարաբերությունները ԵՄ-ի և ՆԱՏՕ-ի հետ, ինչպես նաև Հայաստանը վերածելով մեկ այլ Ուկրաինայի և Մոլդովայի։

Միաժամանակ, Հայաստանի ներկայիս ղեկավարության փորձերը՝ ձևացնել, թե սա պարզապես «անվտանգության ոլորտում հարաբերությունների դիվերսիֆիկացիա է», այն բանից հետո, երբ Ռուսաստանը իբր խախտել է իր դաշնակցային պարտավորությունները և իր զինվորների արյունով չի պաշտպանել Ղարաբաղը , որը  հենց Փաշինյանն ինքն է ճանաչել որպես ադրբեջանական, ավելի վատ են նայվում, քան «Կվարտալ 95»-ը Զելենսկու ժամանակաշրջանում»,-նշում է հեղինակը։ 

Շարունակելով հոդվածը՝ ռուս մեկնաբանը  հիշատակում է , որ Հայաստանում արևմտյան ֆինանսավորմամբ բազմաթիվ ՀԿ-ներ են գործում, որտեղ «ճիշտ կադրեր են պատրաստում կառավարության համար»։

«Փաշինյանը և նրա արևմտյան կուրատորները քաջ գիտակցում են, որ Ռուսաստանի հետ դաժան «ամուսնալուծությունը» կառաջացնի  տնտեսական և սոցիալական ծանր ճգնաժամ, որից հետո փոքր Հայաստանում այս գործընթացի նախաձեռնողների համար ազատ սյուներ չեն մնա։ Մեզ մոտ է  աշխարհում  ամենամեծ հայկական սփյուռքը,  մեր ժողովուրդները պատմականորեն սերտ կապեր ունեն, Ռուսաստանը պատասխանատու է երկրում օտարերկրյա ներդրումների գրեթե կեսի համար, Հայաստանը չի վճարում ռուսական նավթի և գազի տուրքերը,  Հայաստանից ներմուծման 30 տոկոսը և արտահանման 45 տոկոսը կրկին բաժին է ընկնում Ռուսաստանին։

Փորձագետների կարծիքով՝ Հայաստանի ներկայիս ղեկավարությունը վերջնականապես որոշել է ամբողջությամբ դուրս գալ բոլոր կառույցներից, որտեղ ներկա է Ռուսաստանը, այդ թվում՝ ԱՊՀ-ից, ՀԱՊԿ-ից, ԵԱՏՄ-ից և այլն։ Այս պահին Հայաստանի ղեկավարությունը տենդագին թակում է արեւմտյան երկրների դռները՝ փող ու նոր ընկերներ փնտրելու համար։

Այս ամենը, ընդհանուր առմամբ, տհաճ է Ռուսաստանի համար, և լավ կլիներ, որ Հայաստանը մնար դաշնակից և բարեկամ երկիր, քանի որ, բացի Ռուսաստանից, Հայաստանը իրականում ոչ մեկին պետք չէ։

Բայց եթե նույնիսկ պատկերացնենք, որ Հայաստանը կդադարի լինել մեր դաշնակիցն ու բարեկամը, ապա այս երկրի ճակատագիրը, որը տարածքային փակուղի է, անկեղծորեն աննախանձելի կլինի։

Որոշ միջազգային դիտորդների կարծիքով՝ Հայաստանից Ռուսաստանի ամբողջական դուրսբերման և ռուսական ռազմակայանի փակման դեպքում ոչ զրոյական հավանականություն կա, որ հանրապետությունը  կլուծարվի։

Եթե Հայաստանի կործանումը եղել է նրա վարչապետ Փաշինյանի նպատակը, ապա մեզ մնում է միայն կարեկցել մեզ մերձավոր երկրի քաղաքացիներին, ովքեր պասիվ կերպով դիտում են անկանխատեսելի հետևանքներով այս տեսարանը։

Հայաստանի ճակատագիրը նրա բնակիչների ձեռքում է, և եթե նրանց չի հետաքրքրում, թե Սորոսի խնամակալները ուր են քարշ տալիս իրենց երկիրը, ապա Ռուսաստանը նրանց դրախտ ստիպելով չի տանի»,-նշել է  Կիրիլլ Ստրելնիկովը։