Ձեր վստահելի աղբյուրը

«2023 թ ընդունվել էր օրենսդրական փաթեթ, որը հնարավորություն է տալիս ընտանիքում բռնութնյան դեմ պայքարի շրջանակներում զոհերի պաշտպանությունն իրականացնել ավելի արդյունավետ եղանակով, այն է նաև էլեկտրոնային հսկողության միջոցների, այսպես կոչված «բռասլետների» կիրռմամբ»,-կառավարության նսիտում հայտնեց ՆԳ նախարար Վահե Ղազարյանը:

Նա զեկուցեց Էլեկտրոնային հսկողության միջոցների կիրառման և ֆինանսավորման, ինչպես նաև էլեկտրոնային հսկողության համակարգի տվյալների շտեմարանը վարելու, տվյալներից օգտվելու կարգը սահմանելու մասին որոշման նախագիծը:

Նախարարը հայտնեց, որ բռնարարի նկատմամբ սահմանվելու է էլեկտրոնային հսկողության միջոց, որն ամբողջովին իրականացվելու է թվային եղանակով, երբ համակարգն ինքնաշխատ եղանակով կարձանագրի հսկվողի տեղաշարժի խախտումը և կհաղորդի ոստիկանությանը:

«Նախագծի ընդունումը կհանդիսանա առաջընթաց նաև քայլ ընտանիքում բռնության դեմ պայքարի գործում ՀՀ ՆԳՆ ոստիկանության իրավասու ծառայողների ջանքերը տեխնոլոգիական լուծումներով առավել արդյունավետ դարձնելու առումով»,-հայտարարեց Վահե Ղազարյանը:

Նախարարը տեղեկացրեց, որ նախատեսվում է համակարգը ներդնել 2025 թ. հուլիսի 1-ից:

Նիկոլ Փաշինյանը հետաքրքրվեց, թե ինչու է այդքան ուշ ներդրվելու:

Վահե Ղազարյանը հայտնեց, որ ծրագրային ապահովման աշխատանքներ պետք է տարվեն, բայց կաշխատեն ավելի շուտ ներդնել: