Ձեր վստահելի աղբյուրը

«Մայր Հայաստան»-ի թամադային ուզում եմ հիշեցնել, որ «Հանրապետություն» կուսակցության քաղաքական ուղին ավելի երկար է, քան ձեր թիմի քաղաքական հայրերի բոլորի կենսագրությունն միասին վերցրած: Այս ամբիոնը թուլության և անկարողության արցունքներով ողողելու փոխարեն համարձակություն ունեցեք կանգնել ՀՀ քաղաքացու դիմաց և պատասխանեք, թե ինչու էր ձեր քաղաքական թիմը Հանրապետության հրապարակում փորձում վիժեցնել ՀՀ անկախությունը, ինչու էին ձեր քաղաքական հայրերը ռուսական ռուբլիով սնվող և ինքնաթագադրումով զբաղվող որպես հյուսիսային Z արբանյակներ խաղում: ինչու եին ձեր տերերը սեփական ժողովրդից նեղացած, աբիժնիկ վիճակում ռուսական հեռուստաալիքներում ՀՀ անկախությունը վաճառում»- իր ելույթի ժամանակ հայտարարեց Երևանի ավագանու «Հանրապետություն» խմբակցության անդամ Անի Խաչատրյանը:

«Մայր Հայաստան» խմբակցության անդամ Սոննա Աղեկյանը տեղից արձագանքեց.«Որոհետև քո տերերը թույլ էին տվել, որ Վազգեն Սարգսյանի արձանի վրա թուրքերը միզեն, չափդ ճանաչի»:

Խաչատրյանը պատասխանեց՝ ասելով, թե թող կոյուղու թագուհին լռի:

Ավագանու նիստում վիճաբանություն սկսվեց «Մայր Հայաստան» և «Հանրապետություն» խմբակցության անդամների միջև և Տիգրան Ավինյանը ստիպված էր եթերն անջատել:

Ընդմիջումից հետո Տիգրան Ավինյանը ներողություն խնդրեց, որ չկարողացավ կանխել ավագանու նիստի դահլիճում սկսված և միջանցքում շարունակված վիճաբանությունները և հայտարարեց, թե համաձայնություն կա նիստն ընդմիջել և շարունակել հաջորդ օրը ժամը 10:00-ին: