Ձեր վստահելի աղբյուրը

«Ադրբեջանի պահանջներն անհամատեղելի են այսօր մեր շահերի հետ։ Այդ պայմաններում երկկողմ բանակցությունները դառնում են վտանգավոր»,- ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արմեն Ռուստամյանը։

Ըստ նա, Ադրբեջանն իրենց պահանջները թելադրելու են, ասելու են՝ «եթե դա չեք անելու, մենք դա կվերցնենք ուժով»։

«Հայաստանի իշխանությունները սա բացատրելու են, որ տեսեք՝ ուրիշ ճար չունենք. կամ զիջում ենք, ինչ ասում է  Ադրբեջանը, կամ գնում ենք պատերազմի ճանապարհով։ Որոշեք»,- ասաց Ա. Ռուստամյանը։

Նա հարցադրում արեց ու պատասխանեց. «Ինչո՞ւ է  առաջանում միջնորդների անհրաժեշտություն։ Երբ որ կողմերի դիրքերը համատեղելի չեն,  միջնորդները միջամտում են, որպեսզի գտնեն  համաձայնության եզրեր և դա կատարվում է միջազգային մանդատ ունեցող կողմերի միջոցով։ Այն, ինչ որ մենք փլուզեցիքն»։

Ա. Ռուստամյանի խոսքով, Ադրբեջանը, ինչ-որ պետք է իրեն, ստացել է  Արևմուտքից, հիմա ինչ-որ պետք է շարունակի պահանջել, պահանջելու է կամ եռակողմով կամ «տետատետ» հանդիպումով։

«Հայաստանը չի գնում ՀԱՊԿ ուղղությամբ, նա էլ չի գնում Արևմուտքի ուղղությամբ։ Առաջացել է  այս աննորմալ վիճակը։ Վերջը բերելու է երկկողմ բանակցությունների։ Այս դեպքում Ադրեջանը պահանջները դնելու է շատ խիստ։ Պարտված իշխանությունը գնալու է, ևս մեկ անգամ բանակցի իր հաղթողի հետ և սա լինելու է  պարտվածի ու հաղթողի խոսակցություն՝ սրանից բխող մեզ համար շատ տխուր հետևանքներով»,- ասաց Արմեն Ռուստամյանը։

Ճշտող հարցին՝ եռակողմ, նկատի ունի՞ Հայաստան, Ռուսաստան, Ադրբեջան, նա պատասխանեց. «Այո, եռակողմ համաձայնագրերի մասին է խոսքը»։