Ձեր վստահելի աղբյուրը

Բելառուսի արտգործնախարար Սերգեյ Ալեյնիկը հայտարարել է, որ չորեքշաբթի Մինսկում ՀԱՊԿ երկրների արտգործնախարարությունների ղեկավարները հայտարարություն են ընդունել եվրասիական տարածքի անվտանգության ապահովման ընդհանուր մոտեցումների վերաբերյալ։

«Համատեղ հանդիպման արդյունքում հաստատվել և ստորագրվել են մոտ 20 փաստաթուղթ ՝ քաղաքական և ռազմաքաղաքական, ինչպես նաև ժամանակակից մարտահրավերներին և անվտանգությանը սպառնացող վտանգներին դիմակայելու բնագավառում։ Ցանկանում եմ նշել երկու կարևոր փաստաթուղթ»,-լրագրողներին ասել է Ալեյնիկը՝ ԱԳ նախարարների խորհրդի, պաշտպանության նախարարների և ՀԱՊԿ Անվտանգության խորհուրդների քարտուղարների կոմիտեի համատեղ նիստից հետո:

Նրա խոսքով, «առաջին փաստաթուղթը ՀԱՊԿ ԱԳ նախարարների հայտարարությունն է եվրասիական տարածքի անվտանգության ապահովման ընդհանուր մոտեցումների վերաբերյալ, ինչը առանձնահատուկ նշանակություն ունի ներկա ռազմաքաղաքական իրավիճակում»։

«Երկրորդ փաստաթուղթը ԱԳ նախարարների խորհրդի և ՀԱՊԿ խորհրդի համատեղ որոշումն է ՀԱՊԿ-ի անդամ երկրների լրացուցիչ միջոցառումների ցանկի վերաբերյալ, որոնք ուղղված են ՀԱՊԿ տեղեկատվական անվտանգության ապահովմանը, և այս հարցը կարևորվում է վիրտուալ տարածքում աճող մարտահրավերների և սպառնալիքների պայմաններում»,-ասել է բելառուս նախարարը։

Նա հավելել է, որ հանդիպման մասնակիցները համաձայնության են եկել մի շարք փաստաթղթերի նախագծերի շուրջ, որոնք ուղղված են կազմակերպության ամրապնդմանը և անդամ երկրների անվտանգության բարձրացմանը։

«Դրանք կառաջարկվեն պետությունների ղեկավարների քննարկմանը Հավաքական անվտանգության խորհրդի նիստում, որը տեղի կունենա վաղը Մինսկում»,-ասել է Ալեյնիկը։