Ձեր վստահելի աղբյուրը

«Ես սեռական բնույթի հայհոյանք հնչեցրել եմ, երբ ինձ սեռական բնույթի հայհոյանք են հնչեցրել։ Ընդամենը պատասխանել եմ հայհոյանքներին»,-Երևանի քաղաքապետարանում լրագրողների հետ զրույցում հայտարարեց ավագանու «Մայր Հայաստան» խմբակցության անդամ Նարինե Հայրապետյանը՝ անդրադառնալով երեկվա միջադեպին:

«Ես ընդամենն արձագանքել եմ։ Իսկ Ի՞նչ կանեիք, եթե ձեզ հայհոյեին, դուք կլռե՞իք»,-հարցերին հարցով պատասխանեց ավագանու ընդդիմադիր անդամը։

Նա նշեց, որ նորմալ չի համարում, որ ավագանու նիստի ընթացքում սեռական հայհոյանքներ հնչեցնելը նորմալ չի համարում.

«Ընդհանրապես, կան մարդիկ, որ այստեղ գտնվելու իրավունք չունեն, քանի որ դա իրենց մակարդակային բանը չէ։ Կան մարդիկ էլ, որ իրենց ծառայի պարտականություններն այնքան լավ են կատարում, որ ապշեցուցիչ է։ Հենց իրենց կողմից էլ փորձել են ինձ սև փիար անել, ասեմ՝ չի ստացվելու։ Հետագա ընթացքը ցույց է տալու, որ ես նորմալ մարդ եմ։ Եթե պետք է իրենց մակարդակին հավասարվեմ, որ իրենք հասկանան, որ կարող եմ իրենց հետ իրենց լեզվոբ խոսել, ես դա կարամ անեմ, բայց դա չի շարունակվելի, քանի որ ծառաների մակարդակի չեմ իջնելու»։

Նրա խոսքով, ինքը որևէ դեմ «գործ չի տալու». «Վիրավորել են, պատասխանը ստացել են, եթե ձեզ թվում է, ես գործ եմ տալու, չկա նման բան»։