«Ժողովուրդ». Արայիկ Հարությունյանին բնորոշ ակտիվությունը նվազել է
«Ժողովուրդ» թերթը գրում է.
«Վերջին շրջանում վարչապետի աշխատակազմի ղեկավար Արայիկ Հարությունյանին բնորոշ ակտիվությունը, կարծես թե, նվազել է: Նախ՝ պարոն Հարությունյանը կորավ քաղաքական հորիզոնից, ապա նույնիսկ ներկա չգտնվեց «Բյուջե-2024»-ի քննարկմանը: Ավելի ուշ պարզ դարձավ, որ Արայիկ Հարությունյանը գտնվում է արձակուրդում:
Մամուլում սկսեցին տեղեկություններ պտտվել այն մասին, որ Հարությունյանը մեկնել է Միացյալ Նահանգներ: Աշխատակազմի ղեկավարը վերադարձավ արձակուրդից, սակայն նրա ներկայությունը այդպես էլ չզգացվեց. շատերը վստահաբար նաև մոռացել էին նրա մասին՝ կենտրոնանալով քաղաքական այլ կերպարների վրա, որոնք այդ պահի դրությամբ փաստացի ավելի ակտիվ գործունեություն են ցուցաբերում, քան երբեմնի ակտիվ ՔՊ-ական Հարությունյանը: Նոյեմբերի 23-ին տեղի ունեցավ Բռնցքամարտի երիտասարդների աշխարհի առաջնության բացումը, որին, բացի բռնցքամարտի ֆեդերացիայի տեղական ու միջազգային ներկայացուցիչներից, ներկա էին ԿԳՄՍՆ նախարար Ժաննա Անդրեասյանը, ինչը տրամաբանական է:
Ներկա էր նաև նախարարի՝ սպորտի գծով տեղակալ Կարեն Գիլոյանը. սա ևս օրինաչափ է: Թերևս այսքանը: 2022 թվականից ի վեր սպորտային և, առհասարակ, կարևոր միջոցառումների «գլխին կանգնած» Արայիկ Հարությունյանը բացակայում էր: Նշենք, որ 2022 թվականի բռնցքամարտի Եվրոպայի մեծահասակների առաջնությունը (EUBC 2022), ծանրամարտի Եվրոպայի առաջնությունը (EWC 2023), բռնցքամարտի Եվրոպայի պատանիների առաջնությունը (EUBC 2023) և մի շարք այլ կարևոր նախագծերի իրականացում վստահված է եղել Արայիկ Հարությունյանին, որն էլ լավ թե վատ միջոցներով ու ձևերով, սակայն, ի վերջո, հավուր պատշաճի կարողացել էր կազմակերպել այնպես, որ գլխիկոր չհեռանան Հայաստան եկած հյուրերը:
Այլ կերպ ասած՝ միջոցառումների կազմկոմիտեի ղեկավարը միշտ եղել է Հարությունյանը: Բռնցքամարտի երիտասարդների աշխարհի առաջնությունը, սակայն, հեղափոխիչ էր. այս անգամ, կարծես թե, կազմկոմիտեի ղեկավարը Ժաննա Անդրեասյանն է: Դասագրքերի տապալված տպագրությամբ ու համալսարանների անվտանգային համակարգերի անտեղյակությամբ հայտնի նախարարն այսօր միջազգային միջոցառման կազմակերպիչ է: Իսկ ինչո՞ւ է ամեն բան այսպես դասավորվել՝ դեռևս հայտնի չէ:
Հավելենք, որ երկար դադարից հետո ՀՀ կառավարության պաշտոնական էջում միայն նոյեմբերի 23-ին հայտնվեց աշխատակազմի ղեկավարը, այն էլ՝ Շվեյցարիայի զարգացման և համագործակցության գործակալության (ՇԶՀԳ) Հարավային Կովկասի համագործակցության տարածաշրջանային տնօրեն Բարբարա Բոենի Սլաթսի ղեկավարած պատվիրակությանը ընդունելիս և բավականին հյուծված տեսքով»։
Մանրամասները թերթի այսօրվա համարում։
Հարակից հրապարակումներ`
- «Հրապարակ». Հանդիպումն այնքան է ոգևորել ՔՊ-ականներին, որ որոշել են նիստից հետո պատիվ տալ Շահրամանյանին
- «Փաստ». Աննա Հակոբյանի այցից օրեր անց զարգացման կենտրոնի դռները փակվել են ու ցայսօր չեն բացվել
- «Ժողովուրդ». Քննչական կոմիտեն ուսումնասիրում է լրատվամիջոցների կողմից հրապարակված տեսանյութերը
- «Հրապարակ». ՄԱԿ-ի ներկայացուցիչը հրաժարվել է խոսել քաղբանտարկյալների մասին
- «Փաստ». Փաշինյանը հանձնարարել է ուսումնասիրել, թե ինչի՞ համար են իր մոտ ակտիվ «ռասկրուտկա անում» Դավիթ Երեմյանին
- «Ժողովուրդ». Արցախի ԱԺ պատգամավորները մտադիր են հաջորդ շաբաթ ԱԺ արտահերթ նիստ հրավիրել
- «Հրապարակ». Հնարավոր է նախկինում ՀՀԿ-ական Ահարոն Խաչատրյանը համալրի ՔՊ-ի շարքերը
Լրահոս
Տեսանյութեր
Դուք մասնակից եք դարձել պետականության կործանմանը. Բագրատ Սրբազանը՝ ՔՊ-ականներին
