Ձեր վստահելի աղբյուրը

Երեկ Նիցցայում կայացել է «Մանկական Եվրատեսիլ 2023» երգի միջազգային մրցույթում Հայաստանը ներկայացնող Yan Girls խմբի հերթական փորձը։ 

Հիշեցնենք, որ Հայաստանը «Մանկական Եվրատեսիլ 2023» երգի մրցույթում Yan Girls խումբը ներկայացնելու է «Do It My Way» երգը: Մրցութային երգի երաժշտության հեղինակը Դավիթ Բադալյանն է, բառերինը՝ Մալենան և Վահրամ Պետրոսյանը: Տեսահոլովակի ռեժիսորը Արթուր Մանուկյանն է, խորեոգրաֆ՝ Վիկա Մարտիրոսյան, հագուստի հեղինակ՝ Ֆաինա Հարությունյան:

Մրցույթը կկայանա նոյեմբերի 26-ին` ժամը 19:00-ին: Yan Girls խումբը ելույթ կունենա 8-րդը: Մրցույթին մասնակցում է 16 երկիր՝ Իսպանիա, Մալթա, Ուկրաինա, Իռլանդիա, Միացյալ Թագավորություն, Հյուսիսային Մակեդոնիա, Էստոնիա, Հայաստան, Լեհաստան, Վրաստան, Պորտուգալիա, Ֆրանսիա, Ալբանիա, Իտալիա, Գերմանիա և Նիդեռլանդներ։

Երեկվանից  մեկնարկել է նաև  «Մանկական Եվրատեսիլ»-ի առցանց քվեարկությունը: Հայաստանից ևս հնարավոր է քվեարկել Yan Girls-ի օգտին։ Քվեարկության համար պետք է այցելել vote.junioreurovision.tv կայք, դիտել բոլոր ելույթների նախադիտումները, անվճար քվեարկել Հայաստանը ներկայացնող Yan Girls խմբի և ձեր նախընտրած երկու այլ երկրի պատվիրակների օգտին (մրցույթի կանոնների համաձայն` պարտադիր է ընտրել 3 երկիր):

Քվերակությունը կշարունակվի նաև նոյեմբերի 26-ին։  Մրցույթի հաղթողը կորոշվի առցանց քվեարկության և ժյուրիի ձայների միջոցով՝ 50/50 հարաբերակցությամբ: Հաղթող կճանաչվի այն երգը, որը կհավաքի առավելագույն միավոր: