Ձեր վստահելի աղբյուրը

Արդեն մեկնարկել է «Մանկական Եվրատեսիլ» միջազգային երգի մրցույթի մասնակիցների օգտին քվեարկությունը։

«Առաջին ալիքը» ներկայացնում է 3 պարզ քայլ` ինչպես անվճար քվեարկել մեր պատվիրակ Yan Girls խումբն օգտին Հայաստանից՝ 
ացելել https://vote.junioreurovision.tv/ կայք,
դիտել բոլոր ելույթների նախադիտումները,
անվճար քվեարկեք Հայաստանը ներկայացնող Yan Girls խմբի և ձեր նախընտրած երկու այլ երկրի պատվիրակների օգտին (մրցույթի կանոնների համաձայն` պարտադիր է ընտրել 3 երկիր):

Մրցույթի հաղթողը որոշվում է առցանց քվեարկության և պրոֆեսիոնալ ժյուրիի քվեարկության արդյունքում։ 

Հիեցնենք, որ «Մանկական Եվրատեսիլ 2023» երգի մրցույթում Yan Girls խումբը կատարելու է «Do It My Way» երգը: Հայաստանի այս տարվա պատվիրակներն ընտրվել են Հանրային հեռուստաընկերության նախապես հայտարարած մրցույթի արդյունքում:

Նանեն, Նենսին, Կամիլան, Սյուզաննան և Աիդան Yan Girls խումբը ստեղծել են հենց «Մանկական Եվրատեսիլին» մասնակցելու նպատակով: Փոքրիկ երգչուհիները, ոգեշնչվելով K-pop-ի լեգենդար արտիստներից, իրենց երաժշտությանը նաև հայկական գույներ են հաղորդել: Մրցութային երգի երաժշտության հեղինակը Դավիթ Բադալյանն է, բառերինը՝ Մալենան և Վահրամ Պետրոսյանը: Տեսահոլովակի ռեժիսորը Արթուր Մանուկյանն է, խորեոգրաֆ՝ Վիկա Մարտիրոսյան, հագուստի հեղինակ՝ Ֆաինա Հարությունյան:

Մրցույթը կկայանա նոյեմբերի 26-ին` ժամը 19:00-ին: «Մանկական Եվրատեսիլում» Հայաստանը ներկայացնող Yan Girls խումբը ելույթ կունենա 8-րդը: Մրցույթին մասնակցում է 16 երկիր՝ Իսպանիա, Մալթա, Ուկրաինա, Իռլանդիա, Միացյալ Թագավորություն, Հյուսիսային Մակեդոնիա, Էստոնիա, Հայաստան, Լեհաստան, Վրաստան, Պորտուգալիա, Ֆրանսիա, Ալբանիա, Իտալիա, Գերմանիա և Նիդեռլանդներ։