Ձեր վստահելի աղբյուրը

«Եթե սխալվում եմ, թող պարոն Սանոսյանն ուղղի, բայց այստեղ ոնց որ Երվանդաշատ, Բերդակ, Լեռնագոգ, Վանանդ, Արգինա, Քարակերտ բնակավայրերը Բաղրամյան համայնքին են, ոչ թե Արմավիրինը, ցուցակում Արմավիր է գրված»,-կառավարության նիստում հայտարարեց վարչապետի աշխատակազմի ղեկավար Արայիկ Հարությունյանը:

Մինչ այդ Նիկոլ Փաշինյանն ընթերցեց սուբվենցիոն ծրագրեր իրականացրած բնակավայրերի անունները:

«Համենայն դեպս, կարևոր է, որ բնակավայրերի անունները չենք ճշտում: Մարզ և բնակավայրերերը ճի՞շտ է, համայնքը՞»,-հարցրեց  Փաշինյանը:

Ստանալով պարզաբանում, որ այդ բնակավայրերն Բաղրամյան համայնքում են՝ Փաշինյանը ավելացրեց. «Համենայն դեպս, հաջորդ անգամ պետք է ավելի ուշադիր լինենք»:

Մինչ այդ ՏԿԵ նախարար Գնել Սանոսյանը զեկուցեց հերթական նախագիծը, որով տեղեկացրեց, որ 37 համայնքներից օրենսդրությամբ սահմանված կարգով անցկացվել է 82 ծրագրերի գնումների գործընթացը և մրցույթների արդյունքների վերաբերյալ ներկայացվել են համապատասխան արձանագրություններ և նախագծով նման ծրագրերի իրկանացման նպատակով ՀՀ բյուջեից հատկացվում է 5,712,833.3 հազ. դրամ:

Նիկոլ Փաշինյանն էլ 15 րոպե ընթերցեց այդ ծրագրերը և համայնքները: Հարցի զեկուցման ժամանակ նիստի հեռարձակումն մի քանի րոպեով ընդհատվեց: