![](https://panorama.am/news_images/978/2933455_1/capture.thumb.jpg)
ԱՊՀ ոչ պաշտոնական գագաթնաժողովը տեղի կունենա դեկտեմբերի 26-ին
Դեկտեմբերի 26-ին Սանկտ Պետերբուրգում տեղի կունենա ԱՊՀ անդամ երկրների ղեկավարների ոչ պաշտոնական հանդիպումը։ ՏԱՍՍ-ի հաղորդմամբ, այս մասին հայտնել է ԱՊՀ գլխավոր քարտուղար Սերգեյ Լեբեդևը։
«Դեկտեմբերի 25-26-ը Սանկտ Պետերբուրգում տեղի կունենա երկու կարևոր իրադարձություն, ԵԱՏՄ Գերագույն խորհուրդի նիստը՝ նախագահների մակարդակով դեկտեմբերի 25-ին, իսկ 26-ին տեղի կունենա ԱՊՀ երկրների նախագահների ոչ պաշտոնական հանդիպումը», - ասել է նա։
Լեբեդևը նշել է, որ «Ռուսաստանի Դաշնության նախագահ Վլադիմիր Պուտինը դեկտեմբերի 26-ին իր գործընկերներին հրավիրել է Սանկտ Պետերբուրգ՝ ոչ պաշտոնական միջավայրում շփվելու, ընթացիկ հարցեր քննարկելու և կարծիքներ փոխանակելու նպատակով»։
Հիշեցնենք, որ նախօրեին ՌԴ նախագահի մամուլի քարտուղար Դմիտրի Պեսկովն ասել էր. «Դեկտեմբերի վերջին նախատեսվում է ամանորյա ավանդական միջոցառում (ԱՊՀ ոչ պաշտոնական գագաթնաժողով): Այն լինելու է աշխատանքային, աշխատանքային օրակարգով։ Եթե պարոն Փաշինյանը ժամանի այնտեղ, իսկ նրան բոլորի նման սպասում են, ուրեմն խոսելու մեծ հնարավորություն կլինի»:
Ավելի վաղ ՌԴ նախագահի օգնական Յուրի Ուշակովն ասել էր. «Կարծում եմ, որ Հայաստանի ներկայացուցիչները Սանկտ Պետերբուրգ կգան, որտեղ տեղի կունենա ԱՊՀ երկրների ղեկավարների ոչ պաշտոնական ավանդական հանդիպումը և կլինի ԵԱՏՄ-ի պաշտոնական հանդիպումը: Ի դեպ, այս պահին մեզնից հետո նախագահող է դառնում Հայաստանը, ուստի կարծում եմ, որ Նիկոլ Փաշինյանը կգա Վլադիմիր Վլադիմիրովիչ Պուտինից էստաֆետը վերցնելու»։
Հարակից հրապարակումներ`
- Պուտինը Փաշինյանի հետ նախատեսված հեռախոսազրույց դեռ չունի, սակայն...Պեսկով
- Ալեն Սիմոնյանի կարծիքով՝ Նիկոլ Փաշինյանը պետք է մասնակցի ԵԱՏՄ գագաթնաժողովին
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան