![](https://panorama.am/news_images/978/2933486_1/59e73d80eb8cfdsc_2386_v1_jpg_resize.thumb.jpg)
Ի՞նչ է կատարվել «Երևան Սիթիում». Նոր մանրամասներ
«Երևան Սիթիի» մասնաճյուղերից մեկում անչափահասների միջև տեղի ունեցած ծեծկռտուքի դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 195-րդ հոդվածի 2-րդ մասի 4-րդ կետի հատկանիշներով։ Այս մասին Panorama.am-ի հետ զրույցում հայտնեցին քննչական կոմիտեից։
Ծեծկռտուքի ժամանակ անչափահասներից մեկը ոտքին սուր առարկայով հարված է ստացել, դիմել է բուժօգնության և շուտ դուրս է եկել այնտեղից։ Հարված ստացած անչափահասը տուժող է ճանաչվել։ Դատաբժշկական փորձաքննություն է նշանակվել։ Հանգամանքները պարզվում են նախաքննությամբ։
ՔԿ-ից հայտնում են, նախնական գնահատականով՝ առարկան սառը զենք չի հանդիսանում։
Ըստ տեղեկությունների, առարկան եղունգկտրիչի փոքրիկ դանականման մասն է եղել․ մի քանի հոգով տուժողին ծեծի են ենթարկել, հարվածն այդ ժամանակ է հասցվել։ Տուժած անչափահասը, մեր տեղեկություններով, սուպերմարկետում որոշակի աշխատանքներ է իրականացրել։
Քրեական օրենսգրքի 195 հոդվածը սահմանում է ֆիզիկական ներգործությունը։ Հոդվածի երկրորդ մասի 4-րդ կետը նշում է.
«Հարվածներ հասցնելը կամ բռնի այլ գործողություններ կատարելը, որը կատարվել է առանձին դաժանությամբ պատժվում է տուգանքով` տասնապատիկից երեսնապատիկի չափով, կամ հանրային աշխատանքներով` հարյուրից երկու հարյուր ժամ տևողությամբ, կամ ազատության սահմանափակմամբ` առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով»։
Ավելի վաղ Shamshyan.com-ը գրել էր, որ մինչ բժիշկները պայքարում էին վիրավորի կյանքի համար, ոստիկանության Արաբկիրի բաժնի քրեական հետախուզության և անչափահասների գործերով բաժանմունքների ծառայողները պարզել են, որ վիրավորը Երևանի բնակիչ 19-ամյա Հակոբ Կ.-ն է:
Հարակից հրապարակումներ`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան