![](https://panorama.am/news_images/979/2934238_1/405092004_2273393156194132_637642134583368543_n.thumb.png)
Դատարանի կողմից իրավաչափորեն մերժվեց բացարկի միջնորդությունը․ Հակոբ Ենոքյան
Գեներալ Գրիգորի Խաչատուրովի կալանավորման ժամկետը ևս երկու ամսով երկարացնելու որոշման դեմ բողոքի քննությունն ավարտվեց։ Վերաքննիչ հակակոռուպցիոն դատարանը՝ դատավոր Արմեն Հովհաննիսյանի նախագահությամբ, հեռացել է առանձին սենյակ՝ որոշում կայացնելու, որը կհրապարակվի քիչ ուշ։
«Սկզբում մեղադրողը դատավորին ինքնաբացարկի միջնորդություն է ներկայացրել՝ ասելով, որ սույն վարույթով նախագահողի կողմից դիրքորոշում էր ներկայացրել նախորդ կալանքի ժամկետը բողոքարկելիս առ այն, որ հոկտեմբերի 15-ից հետո Խաչատուրովի կալանքի ժամկետը երկարացնելով՝ առաջին ատյանի դատարանը դատական սխալ է թույլ տվել։ Ըստ մեղադրողի՝ դա հիմք է, որ առկա է դատարանի կողմնակալ վերաբերմունք։ Իհարկե, դատարանի կողմից իրավաչափորեն մերժվեց բացարկի միջնորդությունը և ընթացավ քննություն»,- լրագրողների հետ զրույցում ասաց փաստաբան Հակոբ Ենոքյանը։
Նա ակնկալում է, որ բողոքը կբավարարվի։
Հարակից հրապարակումներ`
- Փորձում են Գրիգորի Խաչատուրովին որքան հնարավոր է երկար պահել կալանքի տակ. Հակոբ Ենոքյան
- Նոյեմբերի 27-ին Գրիգորի Խաչատուրովը կամ պետք է ազատ արձակվի, կամ ՀՀ-ում դատական համակարգ գոյություն չունի. պաշտպան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան