![](https://panorama.am/news_images/979/2934669_1/image_2023_12_02_174038799.thumb.png)
Ուկրաինան հայտնել է Լեհաստանի պատճառով արտահանման աղետալի անկման մասին
Լեհական փոխադրողների կողմից սահմանի շրջափակման պատճառով ուկրաինական արտահանումը կրճատվել է 40 տոկոսով, գրում է Ռիա Նովոստին՝ հղում անելով Ուկրաինայի էկոնոմիկայի նախարար Յուլիա Սվիրիդենկոյին։
«Նոյեմբերին ուկրաինական արտադրանքի արտահանման ծավալը կազմել է 9,2 մլն տոննա։ Բեռնափոխադրումները կազմել են 783 հազար տոննա։ Արտահանման ամենամեծ ծավալն անցել է Լեհաստանի սահմանով՝ 282 հազար տոննա։ Եվ այս ծավալը 40 տոկոսով պակաս է, քան նախկինում, երբ լեհ փոխադրողները սկսեցին գործադուլ անել»,-ասել է նա։
Յուլիա Սվիրիդենկոյի խոսքով, Ուկրաինայի իշխանություններն ակտիվորեն աշխատում են իրավիճակի կարգավորման ուղղությամբ, թեև ոչ բոլոր տեղեկությունները են հասանելի հանրությանը։
«Կիևը հիմքեր ունի հուսալու, որ երկու կողմերի երկխոսության շնորհիվ խնդիրը կլուծվի»,-ասել է նա։
Նշենք, որ լեհական կողմում բեռնատարների շարքը հասնում է 50 կիլոմետրի, և խցանման մեջ արդեն մահացել է երկու ուկրաինացի վարորդ։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան