Ձեր վստահելի աղբյուրը

Ալավերդիի համայնքապետարանի ներսում ավագանու նիստ է հրավիրվել, դրսում բազմաթիվ բնակիչներ բողոքի ակցիա են իրականացնում։

«Մենք սպասում ենք ձեր արձագանքին, ձեր բացատրությանը։ Ինչո՞ւ եք անօրինական քայլեր իրականացնում մեր համայնքում, այսքան մարդ սպասում է ձեր արձագանքին, պարզաբանմանը»,-բարձրախոսով հայտարարեց ակցիայի մասնակից մի կին։

«Ինչի՞ պետք է մեզ անտեսեն, գնացել են դուռ են ջարդում։ Ամո՞թ չի, տղեք ջան, գնալո՞ւ եք տուն, ի՞նչ ասեք»,-բարկացած վրա է բերում բողոքի ակցիայի մեկ այլ մասնակից՝ դիմելով ոստիկաններին։

«Այ ժողովուրդ, այդպես  մի ասեք, ասեք՝ Նի-կո-լի շներ, Նի-կո-լի շներ»,-բարկացավ մեկ այլ կին մասնակից։

Հիշեցնենք, որ այսօր  ժամը 10-ին Ալավերդիում նախատեսված է ավագանու նիստ։ Անցած շաբաթ օրը ՀԱԿ փոխնախագահ Լևոն Զուրաբյանն ու «Ապրելու երկիր» քաղխորհրդի անդամ Մեսրոպ Առաքելյանը համատեղ ասուլիսում բարձրաձայնեցին, որ ՔՊ-ականները ցանկանում են անվստահություն հայտնել Ալավերդիի համայնքապետ Արկադի Թամազյանին։

Հիշեցնենք, որ կոալիցիոն հուշագրով քաղաքի ղեկավարումն իրականացնում են ՀԱԿ-ն ու «Ապրելու երկիր» կուսակցությունները։

Ավելի վաղ Մ. առաքելյանը Panorama.am-ին հայտնեց, որ ավելի քան հազար ոստիկաններ են բերվել Ալավերդի, նիստին ընդառաջ կոտրել են նիստերի դահլիճի դուռը։