Ձեր վստահելի աղբյուրը

«Զեկույցում նշվում է, որ ՔՊ կուսակցությունը որոշել է այդ պաշտոնում չընտրել  առաջադրված թեկնածուներից  Հայկուհի Հարությունյանին , որը մինչ այդ զբաղեցրել է հանձնաժողովի նախագահի պաշտոնը»,- ԱԺ-ում Կոռուպցիայի կանխարգելման հաձնաժողովի նախագահին հարցրեց «Պատիվ ունեմ» խմբակցության պատգամավոր Թագուհի Թովմասյանը՝ մեջբերելով Եվրամիություն-Հայաստան քաղհասարակության պլատֆորմի տարածած հայտարարությունից մի հատված։

Թագուհի Թովմասյանը հայնեց, որ զեկույցում նաև ասվում է, որ ՔՊ-ն Հարությունյանին հրավիրելով կուսակցության փակ նիստին, իշխող խմբակցության մի քանի անդամների միջոցով նախագահին հիշերցրել են իրենց, իրենց ընտանիքի անդամների և ընկերների առնչությամբ կազմված առարկություններն ու դժգոհությունները։

«Ես ապաքաղաքական անձ եմ՝ բոլոր առումներով և քաղաքական ասոցացումների և այս կամ այն տեսանկյունից առավելություն, կամ մոտեցումներ երբևէ իմ գործունեության մեջ չեմ կիրառել»,-պատասխանեց Հայկուհի Հարությունյանը, որի թեկնածությունը խորհրդարանում քննարկվում է հենց նույն պաշտոնում։

Նա հայտնց, որ պետք է այդ հանդիպման վերաբերյալ տեղեկատվությունը հանրային սեփականություն դարձվի, որպեսզի կասկածները փարատվեն։

Արձագանքելով, թե պատասխանից չհասկացվեց, թե այդ ՔՊ-ի փակ նիստում ինչ է քննարկվել՝ Թովմասյանը տվեց հաջորդ հգարցը. «TM աուդիտ» ՓԲԸ-ի հաշվետվության մեջ նշված էր, որ իրենց կողմից բացահայտվել են, որ ՔՊ-ն 525 նվիրատուներ է ունեցել, որոնց մասով տեղեկությունները հայտնի չեն և մեկ անձից ստացել է 4 մլն 992 հազար դրամ նվիրատվություն, այն դեպքում, երբ մեկ անձի կողմից տարեկան նվիրատվությունը պետք է կազմիր 2.5 մլն դրամ»։

Ընդդիմադիր պատգամավորը, հիշեցնելով, որ այդ զեկույցն ուղարկվել է նաև Կոռուպցիայի կանխարգելման հաձնաժողով, հարցրեց, թե ինչ եզրակացություն է կայացվել այդ հարցով, քանի որ կուսակցությունների գործունեության թափանցիկության մասին ամենաշատը լսել են հենց  ՔՊ-ից։

«Թե՛ նախորդ տարի, թե՛ այս տարի հանձնաժողովը փորձել է ստուգել այդ տեղեկությունները։ Իրականում հաշվետվությունների հիման վրա ստուգումն իրականացվել էր և նախորդ տարվա ստուգումներն իրականացվել է՝ հաշվի առնելով օերնսդրական մի շարք բացեր և թերացումներ։  Օրենքից բխող պատասխանատվություն ենթադրող դրույթների կիրառելիույթյունը բարձրացնելու հարցն առնվազն այդ տարվա համար անցումային դրույթներով համարվեց ոչ կիրառելի»,-ասաց հանձնաժողովի նախագահը և նշեց, որ այս տարվա արդյունքները ուսումնասիրության փուլում են, բայց  թե պատասխանատվության մեխանիզմ կկիրառվի՝ ուսումնասիրության ավարտին պարզ կլինի։։

Պատասխանելով մեկ այլ պատգամավորի հարցին՝ Հայկուհի Հարությունյանը հայտնեց, որ հայտարարագրերի, պաշտոնի անհամատեղելիության և շահերի բախման մասերով ՔՊ խմբակցության 25 պատգամավոր է անցել։