Ձեր վստահելի աղբյուրը

Գազայի հատվածում հասարակական կարգը շուտով ամբողջությամբ կփլուզվի Իսրայելի մշտական օդային հարվածների և անկլավին բավարար մարդասիրական օգնություն հասցնելու անկարողության լույսի ներքո: ՏԱՍՍ-ը հատնում է, որ այդ մասին ՄԱԿ-ի գլխավոր քարտուղար Անտոնիո Գուտերեշը հայտնել է Անվտանգության խորհրդի նախագահին ուղղված նամակում։

«Իսրայելական բանակի կողմից շարունակվող ռմբակոծություններով և առանց կացարանների ու առաջին անհրաժեշտության պարագաների, ես սպասում եմ, որ հասարակական կարգը Գազայում շուտով ամբողջությամբ կփլուզվի՝ հուսահատ պայմանների պատճառով, որոնք անհնարին են դարձնում նույնիսկ սահմանափակ օգնության առաքումը»,-ասվում է համաշխարհային կազմակերպության ղեկավարի գրասենյակի կողմից հրապարակված փաստաթղթում։

Գուտերեշը խոսել է Գազայի հատվածում իրավիճակի աղետի վերածվելու վտանգի մասին, որն անդառնալի հետևանքներ կունենա տարածաշրջանի խաղաղության և անվտանգության համար։ «Մենք կանգնած ենք հումանիտար համակարգի փլուզման լուրջ վտանգի առաջ: Իրավիճակն արագորեն վերածվում է աղետի, որը կարող է անդառնալի հետևանքներ ունենալ պաղեստինցիների, ինչպես նաև տարածաշրջանում խաղաղության և անվտանգության համար: Բոլոր հնարավորություններն օգտագործելով նման արդյունքից պետք է խուսափել»,-ասվում է Գուտերեշի նամակում։

«Միջազգային հանրությունը պարտավոր է օգտագործել իր ազդեցությունը հետագա սրումը կանխելու և հակամարտությունը դադարեցնելու համար: Ես կոչ եմ անում Անվտանգության խորհրդի անդամներին ճնշում գործադրել հումանիտար աղետը կանխելու համար»,-հավելել է նա: