Ձեր վստահելի աղբյուրը

«Նիստի ընթացքում դատախազն ստիպված եղավ 5-6 անգամ կրկնել Նարեկ Մալյանի բառերը և, եթե կային մարդիկ, որոնք չէին լսել այդ լայվը, արդեն անգիր սովորեցին»,- Նարեկ Մալյանի դատական նիստից հետո լրագրողների հետ զրույցում կարծիք հայտնել վերլուծաբան Լիլիթ Թումանյանը։

Նա դատավարության ուշագրավ կետերից մեկը համարեց այն, որ լինգվիստիկ փորձաքննությունը հակասում է Նիկոլ Փաշինյանի քաղաքականությանը։

«Ըստ լեզվաբանական փորձաքննության՝ «թուրք» նշանակում է վիրավորանք, իսկ Նիկոլ Փաշինյանը պնդում է, որ «թուրքը» վիրավորական չէ, անգամ, եթե իրեն են ասում՝ չի վիրավորում։ Մի տեսակ «խաղաղության խաչմերուկը» լի է վթարներով։ Հանրային ու իշխող ուժի ընկալումները «թուրքի» մասով խիստ հակասական են, ամրագրվում են դատավարության ընթացքում»,- ասաց Թումանյանը։

Լիլիթ Թումանյանը դատավարության ընթացքից մեկ դրվագ ևս առանձնացրեց․ «Մալյանը մեջբերեց Պելևինին՝ «օкончателную правду всегда говорят матом»։ Այս դրվագները  շատ ուշագրավ էին։ Նորից եմ ասում՝ լուրջ հակասություն կա դատավարության ընկալումների և իշխանությունների վարած քաղաքականության միջև»։