![](https://panorama.am/news_images/979/2936051_1/78943148_459444024716713_520367311186558976_n_1_v1.thumb.jpg)
Սուրենավանում շների հարձակման հետևանքով 7 տարեկան երեխա է մահացել
Արարատի մարզի Սուրենավան գյուղում շների հարձակման հետևանքով մահացել է յոթամյա երեխա։ Այս մասին գրում են ԶԼՄ-ները։
Panorama.am-ի հետ զրույցում Արարատ ԲԿ-ից հայտնեցին, որ երեխան մահացած է տեղափոխվել իրենց մոտ։
«Հիվանդանոց չի տեղափոխվել, այլ դիահերձարան»,-ասացին ԲԿ-ից։
Կենտրոնից մահվան հստակ պատճառ չեն նշում՝ խորհուրդ տալով սպասել դատաբժշկական փոձաքննության արդյունքներին։
Ոստիկանությունից Panorama.am-ին հայտնեցին՝ ստացել են հաղորդում, որ Սուրենավանում 7-ամյա երեխա է մահացել։ Ստեղծվել է օպերատիվ քննչական խումբ, դեպքով քննչական կոմիտեն է զբաղվում։
ՔԿ-ից Panorama.am-ին հայտնեցին, որ դեպքի վերաբերյալ տեղեկատվություն կարող են տրամադրել ավելի ուշ։
Շների կծելու դեպքերի վերաբերյալ պաշտոնական վիճակագրությունը ևս մտահոգիչ է։ Հիվանդությունների վերահսկման և կանխարգելման ազգային կենտրոնից Panorama.am-ին տրամադրած տվյալների համաձայն, 2023 թվականի հունվար-հոկտեմբերին հանրապետությունում արձանագրվել է կենդանիների կողմից տուժելու 6919 դեպք, ինչը նախորդ տարվա նույն ժամանակահատվածի համեմատ 1375-ով ավելի է։
Կենդանիների կողմից հարձակումների մեծ մասը գրանցվել է մայրաքաղաքում՝ 2807 դեպք։
Ի դեպ, տեր ունեցող շների կծելու դեպքերն ավելի շատ են։
Ըստ վիճակագրության՝ հարձակումներից 3546-ը գրանցվել է տեր ունեցող շների կողմից, 3253-ը՝ թափառող շների, 120-ը՝ վայրի կենդանիների կողմից։
Հարակից հրապարակումներ`
- Թափառող շունը սպանել է տարեց կնոջը
- Եղեգնաձորում շունը 4 երեխայի է կծել
- Սպիտակում երեխաներին կծած շունը մեկուսացվել է
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան