![](https://panorama.am/news_images/979/2936565_1/53334178949_f42c6e006e_b.thumb.jpg)
Մի ինձ բան արեք, շատ կջղայնանամ. Ալեն Սիմոնյան
«Կարծում եմ՝ անվտանգային խնդիրներից ելնելով, պետք է ինչ որ ժամանակ անցնի։
Դա իմ կարծիքն է, բայց դա չի նշանակում, որ դրա մասին խոսակցություններ չկան, կամ դրա հետ կապված որոշում կա»,- ԱԺ-ում լրագրողների հետ զրույցում ասաց ԱԺ նախագահ Ալեն Սիմոնյանը՝ պատասխանելով հարցին, հնարավո՞ր կլինի արցախցիների վերադարձը Արցախ։
Նա նշեց, որ անկեղծ չի պատկերացնում, թե ինչպես հայերը կարող են այսօր վերադառնան Լեռնային Ղարաբաղ, երբ 2-3 օրվա ընթացքում հարյուր հազարից ավելի հայ իրենց տնեը թողել են, փախել են՝ վախենալով ադրբեջանիցների կողմից հնարավոր վտանգներից։
«Այո, ուզում ենք, որ բոլորը վերադառնան իրենց տները»,- ասաց Սիմոնյանը։
Ալեն Սիմոնյանը կարծում է, որ Ռուսաստանի կողմից Հայաստանին զենք չմատակարարելու հարցը կարող է գործընկերային ձևով լուծել:
«Ռուսական կողմը շանս ունի ցույց տալու, որ, այնուամենայնիվ, ինքը շարունակում է հավատարիմ մնալ իր հայտարարած սկզբունքներին ու ստորագրած փաստաթղթերին, բայց սա ոչ մի ձև չի ազդելու Հայաստանի որոշման վրա` ապահովել Հայաստանի անվտանգությունը»,- ասաց նա:
Սիմոնյանը նշեց` փաստ է, որ Ռուսաստանը չի կատարում իր պարտավորությունները, իսկ Հայաստանը, միանշանակ, պետք է պաշտպանի իր շահերը:
Հարցին՝ ՀԱՊԿ նիստին չմասնակցելու որոշումը ինչպե՞ս է պատճառաբանել, հիմնավորել ռուսական կողմին, Ա. Սիմոնյանն ասաց, որ այդ նիստին մասնակցելու իմաստ չի տեսնում:
«Կան չլուծված հարցեր, մարդիկ չեն կատարում իրենց պարտավորությունները։ Միայն Հայաստանի ուղղությամբ են հոխորտանք հնչում։ Օրինակ, 2020 թվականի նոյեմբերից 9-ից հետո Ադրբեջանը բազմաթիվ անգամ շատ վատ է դրսևորել իրեն որպես ՌԴ դաշնակից՝ սկսած ռուս զինվորներին սպանելուց, պայմանավորվածությունները խախելուց։ Այսինքն, Ադրբեջանն ինչ ուզել, մեր տարածաշրջանում արել է, ու Ռուսաստանը կամ չի կարողացել, կամ չի արձագանքել:
Հիշո՞ւմ եք՝ ինչ աղմուկ բարձրացրեց Ռուսաստանը, երբ Հայաստանը հումանիտար օգնություն ուղարկեց Ուկրաինա: Ադրբեջանը բազմաթիվ անգամ նման օգնություն է ուղարկել, բայց ոչ մի ծպտուն Ռուսաստանի «արդարացի» ԱԳՆ-ից։
Ռուսաստանը շատ ցավոտ է արձագանքում Հայաստանի պարագայում, իսկ Ադրբեջանի պարագայում, իմ կարծիքով, կամ չի կարողանում, կամ ձև է անում, որ չի նկատել:
Մի ինձ բան արեք, շատ կջղայնանամ, որովհետև…», ասաց Սիմոնյանը՝ Ռուսաստանի վերաբերյալ հարցերին ի պատասխան։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան