![](https://panorama.am/news_images/979/2936805_1/capture.thumb.jpg)
Նիկոլ Փաշինյանն ուղղակի սարսափում է հանրաքվե բառից. Աղվան Վարդանյան
ԱԺ-ում «Հայաստան» խմբակցության պատգամավոր Աղվան Վարդանյանն այսօր լրագրողների հետ զրույցում անդրադարձավ Նիկոլ Փաշինյանի՝ երեկ խորհրդարանում արած հայտարարությանը՝ «մենք արգելափակեցինք դատարանները, որ բացենք արդարադատության դուռը»։
«2019 թվականին դատարանների դռներն արգելափակվել են իր կոչով, 4,5 տարի հետո ինքն ասում է, որ այն ժամանակ արգելափակել են դատարանների դռները, որ բացեն արդարադատության դուռը։
Այդ մարդը, ինչպես միշտ, սուտ է ասում։ 2019 թվականի մայիսի 20-ին ունեցավ ելույթը, հայտարարեց՝ փակում են դատարանների դռները։ Ասաց այլ բաներ։ Ինչու այդ ելույթը եղավ մայիսի 20-ին։ Պարզ, հասկանալի պատճառով, նույն թվականի մայիսի 19-ին վերաքննիչ դատարանը կալանքից ազատվել էր երկրորդ նախագահ Ռոբերտ Քոչարյանը, այդ ելույթն ուղղակի հակազդեցություն էր, արձագանքը էր դատարանի որոշմանը»,- նշեց Աղվան Վարդանյանը։
Նա հիշեցրեց, որ Նիկոլ Փաշինյանն իր ելույթի ժամանակ ասել էր նաև՝ «պարտավոր են դատարանները վերափոխել, եթե անհրաժեշտ լինի համաժողովրդական հանրաքվե անցկացնել Սահմանադրությունը փոխելով այս առումով», մինչդեռ ամենակարևոր հարցերում նա ուղղակի սարսափում է հանրաքվե բառից, ասում է նաև՝ «իրենց նպատակը ոչ թե խամաճիկային, այլ ազատ, անկաշկանդ դատարաններ ունենալն է»։
«Տեսեք՝ 2019 թվականի իր հայտարարությունը ու այսօրվա դատական համակարգի վիճակը՝ ամբողջովին խամաճիկային, ենթակա այս իշխանությանը։
Տեսեք այս մարդու հետագիծը՝ նախկին իր բոլոր հայտարարությունները և այսօր 180 աստիճանով հակառակը։ Այս մարդու բոլոր քայլերի պատճառը, հիմքը վախն է, երկու վախ՝ վախկոտ մարդու սովորական վախերը և այսօր իշխանությունը հանկարծ կորցնելու վախը»,- ասաց ընդդիմադիր պատգամավորը։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան