![](https://panorama.am/news_images/979/2936499_1/387845206_729218732570779_460717967003562738_n_1.thumb.jpg)
Դատախազությունն ուսումնասիրում է Դիաննա Գասպարյանի սկեսուրի ապօրինության մասին հրապարակումը
Գլխավոր դատախազությունն ուսումնասիրում է «Հետք»-ի հրապարակումը։ Այս մասին Panorama.am-ին հայտնեցին գլխավոր դատախազությունից։
Հիշեցնենք, որ «Հետք»-ը մասնավորապես գրել էր.
«Վաղարշապատ համայնքի ղեկավար Դիանա Գասպարյանի ամուսնու ընտանիքն Էջմիածնում առանձնատների կառուցման բիզնես է սկսել: Այդ նպատակով, գործընկերների օգնությամբ, ձեռք է բերվել համայնքային հողատարածք և, չսպասելով թույլտվություններին, հողային և բետոնացման աշխատանքներ են կատարվել:
Փոքր առանձնատները կառուցվում են քաղաքի Տերյան փողոցի մարզադպրոցի հարևանությամբ: Այնտեղ շինարարությունը եռում է: Մի հատվածում բետոնացման աշխատանքներ են կատարվում, մյուս հատվածում՝ հողային: «Նարե Պլյուս» ՍՊԸ-ին տրվել է շինարարության 20 թույլտվություն՝ բնակելի տներ կառուցելու համար: Հողամասի ընդհանուր մակերեսը կազմում է մոտ 1,2 հեկտար, որը բաժանված է 59 առանձին հողամասերի:
«Նարե Պլյուս» ընկերության միակ սեփականատերը համայնքի ղեկավար Դիանա Գասպարյանի սկեսուրն է՝ ավագանու անդամ Արամայիս Միրզոյանի մայրը»։
Հրապարակումից հետո կարծիք հնչեց, որ Դիաննա Գասպարյանը պետք է հրաժարական տա։ Սակայն վերջինի մամուլի խոսնակը Panorama.am-ի հետ զրույցում ասաց՝ նման հարց չի քնարկվում։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան