![](https://panorama.am/news_images/979/2936945_1/argentina_2_1024x489.thumb.jpg)
Արգենտինահայ բժիշկը մեկնարկել է 600 կմ բարեգործական ուլտրամարաթոն՝ օգնելու արցախցիներին
Դեկտեմբերի 3-ից բժիշկ-վարակաբան և Ֆայդեք Արմենիա հիմնադրամի բժշկական տնօրեն Պաբլո Էլմասյանը մեկնարկել է 600 կմ երկարությամբ 14-օրյա ուլտրամարաթոն՝ ամեն օր վազելով մեկ մարաթոն, միջինը 42.2 կմ՝ միացնելով Արգենտինայի Բուենոս Այրես և Ուրուգվայի Մոնտեվիդեո քաղաքները։ orer.eu-ի հաղորդմամբ, այս նախաձեռնությունը նպատակ ունի միջոցներ ներգրավել, որոնք կուղղվեն Արցախից տեղահանվածների առողջապահական կարիքներին, ինչպես նաև Շիրակի մարզի խոցելի գյուղական համայնքների բնակիչներին:
«Բժիշկ Պաբլո Էլմասյանի համար Բուենոս Այրեսը և Մոնտեվիդեոյն կապող այս ուլտրամարաթոնը խորհրդանշական է։ Ուրուգվայում ծնված և Արգենտինայում բնակվող Էլմասյանի 14-օրյա անընդմեջ վազքը արտացոլում է նրա խորը գնահատանքը այս երկու երկրներին՝ Հայաստանին անսասան նվիրվածության համար»,- գրում է կայքը:
«Տարիներ առաջ ես որոշեցի համատեղել վազելու իմ կիրքը բարեգործական նպատակների հետ: Այս անգամ կվազեմ՝ ի աջակցություն ՖԱՅԴԵՔ Արմենիայի ներկայումս իրականացվող առողջապահական ծրագրերի, նաև ի օգնություն արցախից տեղահանվածների»,- ասել է բժիշկ-վարակաբանը։
Ուլտրամարաթոնը, որը կրում է «Շարժվելով առաջ՝ բարելավելու համայնքային առողջությունը Հայաստանում» խորագիրը, իրականացվում է Արգենտինայում Հայաստանի Հանրապետության դեսպանության, Արգենտինայի Հանրապետության հայկական կենտրոնի, Արգենտինայի հայկական հաստատությունների (IARA) և Հայկական բարեգործական ընդհանուր միություն (ՀԲՄԲ) աջակցությամբ։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան