Ձեր վստահելի աղբյուրը

Ալավերդու համայնքապետարան բազմաթիվ կարմիրբերետավորներ են բերվել, որպեսզի ավագանու  ՔՊ-ական անդամների կողմից դեկտեմբերի 5-ին ընտրված նոր քաղաքապետը երդվի։

Հիշեցնենք, որ Ալավերդիի ավագանին 14 կողմ ձայներով անվստտահության հայտնեց «Ապրելու երկիր» կուսակցության անդամ համայնքապետ Արկադի Թամազյանին։

Նույն նիստում ընդունած որոշմամբ, համայնքի ղեկավար ընտրեցին ավագանու ՔՊ-ական անդամ Դավիթ Ղումաշյանին։ Որոշումն ուժի մեջ է մտնում ստորագրման օրվանից։

Վկայակոչելով ՏԻՄ մասին օրենքը՝ հայտարարվեց, որ Ղումաշյանը կստանձնի լիազորությունները ընտրվելուց հետո երրորդ օրացույցային օրը ավագանի նիստում բնակիչների  նկատմամավ տված երդումով։

Նիստը կկայանա դեկտեմբերի 8-ին ժամը 11։00-ին համայնքապետարանի շենքի ավագանու նիստերի դահլիճում։

Հիշեցնենք, որ Ալավերդի ղեկավարումն իրականացվում էր ՀԱԿ-ի և «Ապրելու երկիր» կուսակցության
Միջև ստորագրված կոալիցիոն հուշագրով։

«Մենք մնում ենք մեր պնդմանը՝ Ալավերդիում ոստիկանական ուժերի կողմից հեղաշրջում է եղել։
ՔՊ-ն համայնքներում իշխանություն խլելու մոլուցքով է տառապում, ամեն ինչի պատրաստ է՝ չկարևորելով դրանց զարգացումը։ Հետևապես բոլոր զարգացումների պատասխանատվությունն էլ կրելու է ինքը։ Մենք շարունակելու ենք տեր կանգնել մեր իրավունքին ու ժողովրդի ընտրությանը»,-հայտարարել է «Ապրելու երկիր» կուսակցության քաղխորհրդի անդամ Մեսրոպ Առաքելյանը։

Մանրամասները՝ տեսանյութում։