![](https://panorama.am/news_images/980/2937563_1/51500_1700473181_0bd670af75.thumb.jpg)
Լուկաշենկոն շնորհավորել է ՀԱՊԿ քարտուղարին ու մեկնել Աֆրիկա
ՀԱՊԿ գլխավոր քարտուղար Ղազախստանի ներկայացուցիչ Իմանգալի Տասմագամբետովը ծննդյան առաջին շնորհավորանքը ստացել է Բելառուսի նախագահ Ալեքսանդր Լուկաշենկոյից։
«Վստահ եմ, որ առաջնորդի Ձեր հարուստ փորձը, բարձր պրոֆեսիոնալիզմը և նպատակներին հասնելու Ձեր համառ հետևողականությունը կշարունակեն նպաստել Հավաքական անվտանգության պայմանագրի կազմակերպության գործունեության բարելավմանը, միջազգային ասպարեզում նրա հեղինակության հետագա ամրապնդմանը և նաև նշանակալի ներդրում կունենան ՀԱՊԿ անդամ պետությունների խաղաղության և կայունության պահպանման գործում»,- ասված է շնորհավորանքում։
«Բելտա»-ի փոխանցմամբ, Լուկաշենկոն երախտագիտություն է հայտնել ՀԱՊԿ գլխավոր քարտուղարին` վերջերս Մինսկում կայացած ՀԱՊԿ Հավաքական անվտանգության խորհրդի նիստի ժամանակ կազմակերպությունում բելառուսական նախագահության նախաձեռնություններին աջակցելու և համատեղ աշխատանքի համար:
Նա Իմանգալի Տասմագամբետովին մաղթել է քաջառողջություն, անսպառ եռանդ, հաջողություններ պատասխանատու պաշտոնում, երջանկություն և բարեկեցություն։
Բելառուսական մամուլը գրում է, որ այսօր մեկնարկում է Լուկաշենկոյի այցը դեպի աֆրիկյան պետություններ։ Այցի հիմնական նպատակն է այդ երկրների հետ համագործակցության ակտիվացումը։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան