![](https://panorama.am/news_images/980/2937538_1/f635b672ba4d1d_635b672ba4d5d_thumb_v1_5.thumb.jpg)
«Հրապարակ». Վայոց Ձորի մարզպետի պաշտոնանկությունը հատկապես ծանր են տարել մարզում
«Հրապարակ» թերթը գրում է.
«Վայոց Ձորի մարզպետ Արարատ Գրիգորյանի պաշտոնանկությունը հատկապես ծանր են տարել մարզի տարբեր մասնագիտական ու սոցիալական խմբերը, օրինակ՝ տարեցները, թարգմանիչները, գրադարանավարները, ՏԻՄ և սոցիալական աշխատողները, ուսուցիչները, մարզի ՆԳՆ փրկարար ծառայության աշխատակիցները, երիտասարդները, դատախազության աշխատողները, բուժաշխատողները, երեխաներն ու երեխաների իրավունքների պաշտպանները, մայրերը, կանայք և այլք։
Բանն այն է, որ Արարատ Գրիգորյանը միակ մարզպետն է, ով թվարկված բոլոր խմբերին նվիրված օրերին ու տոներին պարտաճանաչ հանդես է եկել շնորհավորական ուղերձով, ասենք՝ տարեցների միջազգային օրվա առթիվ շնորհավորել է տարեցներին․ «Վայոց Ձորի մարզի սիրելի տարեցներ...», Թարգմանչաց տոնի առթիվ՝ մարզի թարգմանիչներին և այլն։ Նախկին մարզպետ Արարատ Գրիգորյանի աչքից չէր վրիպում ոչ մի պետական կամ եկեղեցական տոն, հիշատակի օր, մասնագիտական օր՝ «սփխեչից մինչև պառվի ուլեր»։
Արարատ Գրիգորյանի փոխարեն, հիշեցնենք, մարզպետ է նշանակվել ԱԱԾ Վայոց Ձորի մարզային վարչության պետ Կոլյա Միքայելյանը, իսկ ԱԱԾ աշխատողից նման սեր ու «ջիգյար» ակնկալել չարժե»։
Մանրամասները թերթի այսօրվա համարում։
Հարակից հրապարակումներ`
- «Հրապարակ». 70 հազար դոլար արժողությամբ համակարգչային ծրագիր են գնել սոցցանցերն ավելի լավ մոնիթորինգի ենթարկելու համար
- «Հրապարակ». Ալավերդիում կարմիր բերետավորների պաշտպանության ներքո են իրականացրել Ղումաշյանի երդման արարողությունը
- «Հրապարակ». Ինչու ընդդիմությունը չընտրեց իր կողմից առաջադրված թեկնածուին
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան