Ձեր վստահելի աղբյուրը

«Այսօր Արցախը չհանձնողների դատական նիստի ընթացքում տեղի ունեցավ մի իրադարձություն, որ հավանաբար շատերը նկատեցին և ծանր տարան»,-գրում է փաստաբան Արսեն Բաբայանը, որ ստանձնել է բողոքի ակցիաներին մասնակցած 11 անձանց շահերի պաշտպանությունը։

Նա մանրամասնում է՝ «Արցախը չհանձնողների դատ» ես անվանում եմ այն 11 անձանց դատավարությունը, որոնք սեպտեմբերի 19-ին Հանրապետության հրապարակի դեպքերով դարձել են մեղադրյալներ:

«Իսկ դեպքն իսկապես ինձ շատ տանջեց.
Դատարանը արցախցի երիտասարդների ինքնությունը ճշտելու ընթացքում հարցնում է.
- Ձեր քաղաքացիությունը:
- Արցախի Հանրապետություն:
- Հայաստանի Հանրապետության քաղաքացի՞ եք:
- Ոչ, Արցախի Հանրապետության:

Ուշադիր հետևում էի դատավորի դեմքի արտահայտության փոփոխությանը: Նկատեցի, որ մտքերի մեջ ընկավ: Բայց արագ հասկացավ, թե խնդիրը որն է:

Այդ 18-19 տարեկան արցախցի տղաներին ՀՀ իշխանությունն ասել է, թե նրանք Հայաստանի Հանրապետության քաղաքացիներ չեն..»,-գրում է նա։