Համաժողով՝ նվիրված Արցախի Անկախության Հանրաքվեի, Սահմանադրության ընդունման և մարդու իրավունքների պաշտպանության օրվա կապակցությամբ
«Այսօր հարձակում է տեղի ուենում մարդու իրավունքների հենց հայեցակարգի, կիրառման վար՝ երկու համընդհանուր ճակատով»,-հայտարարեց ՀՀ նախկին ՄԻՊ Լարիսա Ալավերդյանը՝ ելույթ ունենալով «Մարդու իրավունքների ոտնահարումը՝ Բաքվից Երևան. ազդարարել, կանխարգելել, վերականգնել» համաժողովում:
Այն նախաձեռնվել է Արցախի Սահմանադրության ընդունման, Արցախի Անկախության Հանրաքվեի, մարդու իրավունքների պաշտպանության և ցեղասպանության կանխարգելման միջազգային օրերի կապակցությամբ
Ալավերդյանի խոսքով՝ դրանցից մեկը միջազգային կազմակերպությունները և պետություններնեն, որոնք մարդու իրավունքների պաշտպանությունը վերածել են աշխարհաքաղաքական գործիք
«Անունը «Մարդու իրավունքներ» է, իսկ գործիքակազմը, որն օգտագործվում է, հակամարդկային է», ասաց Ալավերդյանը
ՀՀ նախկին օմբուդսմենն ասաց, որ մարդու իրավունքների վրա մյուս հարձակման ճակատը պետությունների ներսում է:
«75 տարի անց մենք հայտնվել ենք այն իրավիճակում, երբ պետք է մարդու իրավունքները պաշտպանենք, հենց այն պետություններից որոնք եղել են նախաձեռնողների ցուցակում»,-ասաց Ալավերդյանը
Կազմակերպված համաժողովի նպատակն է վեր հանել Արցախի հայաթափման հետևանքով առաջացած իրավախախտումները և վերականգնել քաղաքացիների իրավուքները, որոնք ոտնահարվում և առհամարհվում են Հայաստանի ու Ադրբեջանի իշխանությունների կողմից։
Համաժողովին ելույթ են ունենում նաև Արցախի Ազգային ժողովի նախկին նախագահ Աշոտ Ղուլյանը, Արցախի նախկին պետական նախարար և նախկին օմբուդսմեն Արտակ Բեգլարյանը, Արցախի մարդու իրավունքների պաշտպան Գեղամ Ստեփանյանը, Հայաստանի Ազգային ժողովի պատգամավոր Քրիստինե Վարդանյանը, Արցախի Ազգային ժողովի պատգամավոր Մետաքսե Հակոբյանը, իրավաբաններ Արամ Օրբելյանը, Արսեն Բաբայանը, Հովհաննես Խուդոյանը, Վարազդատ Հարությունյանը, իրավապաշտպան Ռաֆայել Իշխանյանը, լրագրողներ` Լարա Առաքելյանը, Անի Գևորգյանը, Հռիփսիմե Ջեբեջյանը, Հայաստանի սոցիալական աշխատողների ասոցիացիայի հիմնադիր-նախագահ Միրա Անտոնյանը, ռազմական փորձագետ Կարեն Վրթանեսյանը, հասարակական գործիչներ Նարե Սիմոնյանը, Շանթ Չարշաֆյանը, մեդիա նախաձեռնության հեղինակ Վանա Շիրվանյանը, քաղաքական գործիչ Սուրեն Պետրոսյանը, Ցեղասպանության կանխարգելման՝ Լեմկինի ինստիտուտի գործադիր տնօրեն Էլիզա ֆոն Ջոյդեն-Ֆորջեյը:
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
