![](https://panorama.am/news_images/980/2938081_1/capture58585858585.thumb.jpg)
ՀՀ ԱԽ քարտուղար Արմեն Գրիգորյանը հանդիսանո՞ւմ է ՀՀ քաղաքացի, որը տիրապետում է պետական գաղտնիքի. Նարե Սիմոնյան
«Ոչ թե պետք է ասենք փախստականի կարգավիճակից առաջացող իրավունքների ոտնահարումներ, այլ ոտնահարումներն առաջանում են ՀՀ հարյուր հազարավոր քաղաքացիներին հակասահմանադրական ձևով քաղաքացիությունից զրկելու հետևանքով»,-ասաց արցախցի հասարակական գործիչ Նարե Սիմոնյանը՝ ելույթ ունենալով «Մարդու իրավունքների ոտնահարումը՝ Բաքվից Երևան. ազդարարել, կանխարգելել, վերականգնել» համաժողովում:
Նրա խոսքով՝ ՀՀ օերնսդրական փոփոխությունների շնորհիվ Նիկոլ փաշինյանի քաղաքականությոնից անմենաշատը տուժած քաղաքացիներին փորձում են դուրս թողնել ՀՀ-ում ընթացող քաղաքական պրոցեսներից:
Նարե Սիմոնյանը նկատեց, որ Արցախի Հանրապետության քաղաքացիները միշտ համարվել են ՀՀ քաղաքացիներ և աշխատել են Հայաստանի տարբեր պետական կառույցներում, միակ տարբերությունն այն է եղել, որ Արցախում գրանցվածները մասնակցել են Արցախի ընտրություններին, բայց 2021 թվականին շատ արցախցիներ մասնակցել են նաև Հայաստանի ԱԺ ընտրություններին:
Նարե Սիմոնյանը հիշեցրեց, որ Արցախի դեմ իրականացված վերջին ագրեսիայից հետո ՀՀ իշխանությունները հայտարարեցին, որ արցախցիները ՀՀ քաղաքացի չեն:
«Նրանք ասացին, կամ գնում եք և անձնագրայինում փոխում եք ձեր գրանցման հասցեն և մենք ձեզ տալիս ենք ժամանակավոր պաշտպանության, փախստականի կարգավիճակ, կամ եթե ուզում եք ՀՀ քաղաքացի դառնալ՝ կրկին գնացեք դիմեք ՀՀ քաղաքացի դառնալու համար, բայց հետագա թոշակների, նպաստների ճակատագիրն շատ անորոշ է»,-հայտնեց բանախոսը:
Նա պարզաբանեց, որ ՀՀ լիազոր մարմիններից վերջինի տարբերակի դեպքում բռնագաղթածներին հայտնում են, որ թոշակ և նպաստ չեն ստանա, կամ փաստաթղթերի փաթեթ պետք է հավաքել, որն հնարավոր չէ՝ Արցախի պետական ինստիտուտների լուծարման հետևանքով:
«Այդ դեպքում հարց եմ հնչեցնում՝ արդյո՞ք ՀՀ ԱԽ քարտուղար Արմեն Գրիգորյանը հանդիսանում է ՀՀ քաղաքացի, ՀՀ ԶՈւ ԳՇ պետ Էդուրարդ Ասրյանը ՀՀ քաղաքացի՞ է, թե ոչ, և եթե չեն հանդիսանում, ապա ինչ իրավունքներով եք առաջնորդվել՝ նրանց նշանակելով այնպիսի պաշտոնների, որոնք միայն ՀՀ քաղաքացիների համար են և պետական գաղտնիքի են տիրապետում»,-ՀՀ իշխանություններին դիմեց Նարե Սիմոնյանը և շարունակեց. «Ինչ հիմքով և ինչ մեղադրանքով է ձերբակալվել, ըստ ՀՀ իշխանությունների, Ադրբեջանի տարածքում գտնվող, ՀՀ քաղաքացի չհանդիսացող Միքայել Արզումանյանը»:
Հարակից հրապարակումներ`
- Այսօր էլ համառորեն շարունակում է կերտել մեր պարտությունների խեղճ ու անպատիվ տարեգրությունը. Սենոր Հասրաթյան
- Որոշակի առումով արցախցիների նկատմամբ խտրականություն առկա է կրթական հաստատություններում. Գեղամ Ստեփանյան
- Համաժողով՝ նվիրված Արցախի Անկախության Հանրաքվեի, Սահմանադրության ընդունման և մարդու իրավունքների պաշտպանության օրվա կապակցությամբ
- Երբ սատանաներն իրենց բնորոշ խարդախութամբ ու խաբեությամբ տիրանում են իշխանությանը.Արշավիր Ղարամյան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան