![](https://panorama.am/news_images/980/2938339_1/53180020750_6fd9dab9fe_b.thumb.jpg)
Խաչատուր Սուքիասյանը լրատվամիջոցին սպառնում է դիմել դատարան
«Ի պատասխան լրատվամիջոցներում տարածված կեղծ տեղեկատվության, թե իբր Խաչատուր Սուքիասյանը ցանկանում է ձեռք բերել «Զվարթնոց» օդանավակայանը՝ հայտնում եմ, որ թե՛ Խաչատուր Սուքիասյանը, և թե՛ նրա ընտանիքը չեն պատրաստվում գնել այն»,-նման հայտաարությամբ է հանդես եկել Սուքիասյանի խոսնակ Աննա Մկրտչյանը։
Նրա խոսքով, սա հերթական կեղծիքն ու զրպարտությունն է Սուքիասյան ընտանիքի հասցեին։
«Քանի որ կեղծ լուրը հրապարակող Oragir.News-ի հետ կապ հաստատել չի հաջողվում, կոչ ենք անում հերքել իրենց սուտ լուրը, հակառակ դեպքում մեր իրավաբանները կդիմեն դատարան»,-հայտնում է նա։
Հիշեցնենք, որ Oragir.News-ն այսօր գրել էր՝ Խաչատուր Սուքիասյանի սիրտը օդանավակայան է ուզում։
««Քաղաքացիական պայմանագիր» կուսակցության պատգամավոր, օլիգարխ Խաչատուր Սուքիասյանը չի բավարարվում ունեցածով։ ՔՊ-ական պատգամավորի սիրտը հիմա էլ «Զվարթնոց» օդանավակայանն է ուզում։
Oragir.News-ի տեղեկություններով՝ Սուքիասյանն այս մասին տեղեկացրել է օդանավակայանի սեփականատեր Էդուարդո Էռնեկյանին և առաջարկել խելամիտ գնով վաճառել այն՝ հասկացնելով, որ հակառակ դեպքում այլ զարգացումներ կլինեն։
Նշենք, որ սա Խաչատուր Սուքիասյանի առաջին քայլը չէ ոլորտում։ Սուքիասյանին է պատկանում «Flyone Armenia» ավիաընկերությունը։ ՔՊ-ական պատգամավորն իրենով է արել նաև օդանավակայանին վառելիքի ու սննդի մատակարարումը»,-գրել էր աղբյուրը։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան