Ձեր վստահելի աղբյուրը

«Պետական մարմինների կողմից ոչ մրցակցային գնումների շատ ավելի կիրառության գլխավոր պատճառներից մեկը 2023 թ-ին եղել է Արցախի Հանրապետության հետ կապված»,- «Պետական գնումներում կոռուպցիոն ռիսկերը և հանրային վերահսկողությունը» թեմայով «Մեդիա կենտրոն»-ում կազմակերպված ասուլիսում հայտարարեց «Հանրային քաղաքականության հետազոտությունների ազգային կենտրոն» ՀԿ գործադիր տնօրեն Արմենուհի Բուռնազյան։

Նրա խոսքով, սկզբում այն պայմանավորվել է Լաչինի միջանցքի արգելափակման հետ, երբ կիրառվել հրատապ մեկ անձինց գնումները, իսկ տարվա վերջում արդեն բռնագաղթածների խնդիրները լուծելու համար է։

«Մոտավորապես 3.4 մլրդ դրամի գնումների ոչ մրցակցային ընթացակարգեր են կիրառվել և բանականաբար, դրանք կարելի է համարել օբյեկտիվորեն  պայամանավորված, քանի որ այն եղել է արտակարգ իրավիկճակ»,-հայտարարեց ՀԿ տնօրենը։

Նրա խոսքով՝  ոչ մրցակցային ընթացակարգերով կատարված գնումների ծավալների փոփոխություն նախորդ տարվա համեմատ այնքան էլ մեծ չի եղել։

«2022 թվականի 11 ամսիների ընթացքում այն եղել է գնումների ընդհանուր ծավալի մոտավերոպես 42 %-ը, իսկ 2023-ին այն ընդամենը 2% է նվազել։ Այստեղ մենք տեսնում ենք որոշակի խնդիրներ միջոցառումների կազմակերպման հետ, որոնց համար ևս շարունակվում են կիրառվել ոչ մրցակցային գնման ընթացակարգեր»,-ասաց Բուռնազյանը և տեղեկացրեց, որ վերջինի դեպքում որոշակի ընկերությունների հետ բավականին խոշոր պայմանագրեր են կնքվում միջոցռումներ անցակցնելու համար։

Նրա խոսքով այն հիմնականում Երևանի քաղաքապետարնի կողմից  է արվում և 2023 թվականին շուրջ 1 մլրդ դրամի միջոցառումների կազմակերպման համար մեկ անձից գնում է իրականացվել։

Ֆինանսների նախարարության գնումների քաղաքականության վարչության պետ Սերգեյ Շահնազարյանն էլ հայտնեց, որ ոչ մրցկակցային գնումների հիմնական մասն առողջապահության ոլորտին է բաժին ընկնում։

«2022 թվականին մեկ անձից կատարվել է 13,7 մլրդ  դրամի գնում, իսկ այս տարի 9.3 մլրդ է  այն կազմել, որից 3 մլրդը՝ ԼՂ խնդրի հետ է կապված»,- հայտարարեց Շահնազարյանը։