Ձեր վստահելի աղբյուրը

«Մայրության նպաստ տրամադրվում է փախստական շահառուին, եթե նա փախստականի կարգավիճակ է ստացել հղիության արձակուրդի իրավունք ունենալու ժամանակահատվածի 140 օրվա կամ երեխայի ծննդյան օրվանից հետո 70 օրվա ընթացքում և մայրության նպաստ  նշանակելու համար դիմել է 2023 թվականի  դեկտեմբերի 1-ից հետո 140 օրվա ընթացքում»,-Հումանիտար կենտրոնում կազակերպված  ասուլիսում հայտնեց Աշխատանքի և սոցիալական հարցերի նախարարի տեղակալ Դավիթ Խաչատրյանը

Նրա խոսքով, այդ և մյուս նման նպաստների տեսակները կարող են նշանակվել և վճարվել այն դեպքում, երբ շահառուն և երեխան ունի ՀՀ-ի բնակության հասցեով  հաշվառում

Խաչատրյանը հայտնեց, որ Մայրության նպաստի չափը շուրջ 172 հազար դրամ է և  բռնագաղթածներին նշանակվում և վճարվում են ՀՀ օրենսդրությամբ սահմանված բոլոր սոցիալական երաշխիքները՝ ՀՀ -ում գործող չափերով և կարգով

«Սա նշանակում է, որ եթե կլինեն, սոցիալական երաշխիքներիր համկարգեր, որոնք ԼՂ-ում գործում էին բայց ՀՀ օերնսդրությամբ նախատեսված չէ, ապա այս դեպքում դրանք ուղղակի չեն վճարվի այլ կվճարվեն Հայաստանում գործողները»,- հայտնեց փոխնախարարը։

Նրա խոսքով՝ ՀՀ քաղաքացիների և ՀՀ-ում առնվազն երեք տարի բնակություն հաստատածների դեպքում  1-ին և 2-րդ երախայի ծննդյան նպաստը կազմում է 300 հազար դրամ, 3-րդ և 4-րդ երեխայի միանվագ ծննդյան նպաստը կազմում է 1 մլն դրամ, իսկ 5-րդ և ավել ծննդի դեպքում՝ 1.5 մլն դրամ, իսկ Արցախում գործող կարգաթվերը չեն գործի։