Հայաստանի մարզական լրագրողները խորապես մտահոգված են ՀՖՖ-ի լռությունից հայտարարություն
Հայաստանի ֆուտբոլի ֆեդերացիայի նախագահի ընտրությունների (դեկտեմբերի 23) նախաշեմին մի խումբ մարզական և ֆուտբոլային լրագրողներ և մեկնաբաններ հանդես են եկել հայտարարությամբ։
«Հայաստանի մարզական լրագրողները խորապես մտահոգված են Հայաստանի ֆուտբոլի ֆեդերացիայի նախագահի ընտրությունների նախօրեին հայկական ֆուտբոլում ստեղծված իրավիճակով:
Գործող ֆեդերացիայի ղեկավարման ոչ բավարար արդյունքները և անկատար խոստումները խոշոր ներդրողների շրջանում դարձել են քննադատությունների պատճառ` վերածվելով ՀՖՖ-ի ու Հայաստանի առաջատար ֆուտբոլային ակումբների սուր դիմակայության: Այս ամենը կարող է հանգեցնել բացասական լուրջ հետևանքների:
ԶԼՄ-ներում լայնորեն քննարկվում են ֆուտբոլային ակումբների, հայտնի մարզիկների և հասարակության ներկայացուցիչների հայտարարություններն ու բողոքներն ընդդեմ ՀՖՖ գործող կազմի կատարած աշխատանքի: Մենք հավատացած ենք, որ ՀՖՖ գործող ղեկավարների լռությունը միայն վատթարացնում է իրավիճակը:
Հայաստանի ֆուտբոլային հանրությունը ցանկանում է լսել բոլորին հուզող հարցերի պատասխանները և առաջարկվող միջոցները, որոնք կբարելավեն հայկական ֆուտբոլի արդյունքները և նոր մակարդակի դուրս կբերեն մեր ֆուտբոլը:
Ի տարբերություն Արազ Օզբիլիսի, ՀՖՖ նախագահի պաշտոնի հավակնորդներից մյուսը` ՀՖՖ գործող նախագահ Արմեն Մելիքբեկյանը, մինչև օրս այդպես էլ հանրությանը չի ներկայացրել երկրում ֆուտբոլի զարգացման իր ծրագիրը, որով նախատեսում է վերընտրվել հաջորդ ժամկետով:
Մենք ցանկանում ենք քաղաքակիրթ ու կառուցողական երկխոսության կոչ անել, բացեիբաց քննարկել ցավոտ հարցերը:
Հակառակ դեպքում, դեկտեմբերի 23-ին ՀՖՖ նախագահի ընտրությունները չեն լինի անաչառ և հարվածի տակ կդնեն մեր երկրում ամենամասսայական մարզաձևի զարգացումը:
«Ֆուտբոլ+» շաբաթաթերթի հիմնադիր, ֆուտբոլային մեկնաբան Սուրեն Բաղդասարյան
«Ֆուտբոլ+» շաբաթաթերթի գլխավոր խմբագիր Աշոտ Մարտիրոսյան
Սպորտային մեկնաբան Սլավա Սարգսյան
«Երկիր Մեդիա» ՀԸ սպորտային մեկնաբան, ՀՀ վաստակավոր լրագրող Ռուդիկ Բարսեղյան
«Սպուտնիկ Արմենիա»-ի սպորտային լրագրող, ֆուտբոլային մեկնաբան Խաչիկ Չախոյան
Ֆուտբոլային գիտակների ակումբի նախագահ Տիգրան Հովհաննիսյան
«Ռադիո Վան»-ի հաղորդավար Գոռ Գրիգորյան (Եգոռ Գլումով)
«Նոեվ Կովչեգ» թերթի գլխավոր խմբագիր Գրիգորի Անիսոնյան
Ֆուտբոլային մեկնաբան Մենուա Մեհրաբյան
Հայաստանում «Իտար ՏԱՍՍ»-ի սեփական թղթակից Սերոբ Օհանյան
Լեռնային Ղարաբաղի Նորությունների սպորտային մեկնաբան Ալեքսանդր Գրիգորյան
«Գոլոս Արմենիի» սպորտային լրագրող Վադիմ Մկրտչյան
«Առավոտ» թերթի սպորտային լրագրող Աշոտ Հակոբյան»։
Հարակից հրապարակումներ`
- Ովքե՞ր են հավակնում Հայաստանի լավագույն ֆուտբոլիստի ու մարզիչի կոչմանը. ՀՖՖ-ն հրապարակել է թեկնածուների անունները
- ՀՖՖ նախագահի թեկնածուներն են Արմեն Մելիքբեկյանը և Արաս Օզբիլիզը
- Արաս Օզբիլիսն առաջադրվելու է ՀՖՖ նախագահի պաշտոնում
- «Ժողովուրդ». Որպես ՀՖՖ նախագահի թեկնածու, քննարկվել է ԱԺ պատգամավոր Սիսակ Գաբրիելյանի անունը
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
