Ձեր վստահելի աղբյուրը

«1993 թվականի վերջին քվեարկություն եղավ և որոշում ընդունվեց դրամը շուտափույթ շրջանառության մեջ դնելու մասին»,-ԵՊՀ-ում Հայկական դրամի 30-ամյակին նվիրված պանելային քննարկման ժամանակ ասաց ԿԲ նախկին նախագահ Բագրատ Ասատրյանը։

Նա հայտնեց, որ  այդ քվեարկության ժամանակ կար կառավարության դիրքորոշումը, երբ այն տարիներին վարչապետի պաշտոն զբաղեցնող Հրանտ Բագրատյանն  առաջարկեց, քանի որ այդ որոշումը դեռ չհրապարակվի, քնի որ Ռուսաստանում իշխանության է եկել երիտասարդ թիմ, որը փորձում էր լիբերալ կողմնորոշումը պահել, բայց կայսերապաշտական միտումները դեռ կային։

Բագրատ Ասատրյանը հիշեցրեց, որ1993 թվականի սեպտեմբերին Հայաստանի և Ռուսաստանի միջև եղավ երկկողմ համաձայնագիր ռուբլու գոտի ստեղծելու մասին։

«Բայց իրադարձություններն առաջ էին գնում։ ՌԴ-ն մի կողմից ձեռք էր մեկնում մեզ, մյուս կողմից էլ ռուբլու գոտուց դուրս էր եկել դեռ 1992 թվականի հուլիսին»,-հայտնեց բանախոսը։

Ասատրյանը հայտնեց, որ այն տարիներին ԿԲ-ն ֆորմալ առոմով չէր գործում, ամեն ինչ որոշում էր կառավարությունը, այդ պատճառով էլ ստեղծվեց հանձնաժողով՝ Կառավարության ներկայացուցչի, Ֆինանասների նախարարի և ԳԽ ֆինասաբյուջետային հարցրեվ հանձնաժողովի նախագահի և ԿԲ-ի նախագահի  անդամակցությամբ, որը կարճ ժամանակում իրավանորմատիվային մեծ բազա մշակեց դրամը ներդնելու համար։

«Որոշվեց հետևել գնաճի տեմպերին և ՌԴ ռուբլու արժեզրկումը, վերցվեց այդ ժամանակ շուկայի փաստացի փոխարժեքը և դրա հիման վրա վճիռ կայացվեց մեր ազգային արժոյթը՝ դրամը դնել շրջանառության մեջ՝ փոխանակելով մեկ դրամը 200 ռուբլի համամասնությամբ, դրամ-դոլար փոխարժեքը սահմանելով 14.5 դրամ»,-տեղեկացրեց ԿԲ նախկին նախագահը և արձանագրեց, որ հաջորդ՝ 1994 թվականին արդեն դրամն արժեզրկվեց 4 անգամ։