Ձեր վստահելի աղբյուրը

ԱՊՀ երկրների ժողովուրդների մշակութային մտերմությունն ու ընդհանուր պետության պատմությունը կոոպերատիվ կապերի զարգացման գրավականն է։ «ՌԻԱ նովոստի»-ին գրում է, որ այդ մասին ասել է ՌԴ նախագահ Վլադիմիր Պուտինը։

«Ուրախ եմ ողջունել բոլորիդ՝ Անկախ Պետությունների Համագործակցության կառավարությունների ղեկավարների խորհրդի նիստի մասնակիցներին, որը նվիրված է իսկապես կարևոր թեմային՝ մշակութային և հումանիտար ոլորտում համագործակցության զարգացմանը։
Ի վերջո, մեր ժողովուրդների սերտ մշակութային հարաբերություններն ու հոգևոր մտերմությունը, մարդկային լայն շփումները և մեկ պետության մեջ կյանքի բազմադարյա ընդհանուր պատմությունն այն ամուր հիմքն է, որի վրա կառուցվում են ԱՊՀ շրջանակներում ինտեգրացիոն գործընթացները»,-ասել է նա՝ տեսակապով ողջունելով հանդիպման մասնակիցներին։

«Կարծում եմ կհամաձայնեք, որ մենք ժառանգել ենք ավանդույթների ու սովորույթների, լեզուների և գրականության, արվեստի և ժողովրդական արվեստի իսկապես յուրահատուկ քաղաքակրթական միաձուլում, և մեր խնդիրն է հնարավորինս պահպանել այս ընդհանուր բազմազգ ժառանգությունը և հարստացնել այն նոր բովանդակությամբ»,- հավելել է Պուտինը։