Ձեր վստահելի աղբյուրը

«Մեր շահառուն, որին ուզում ենք աջակցել, ի վերջո, ծնված երեխան է չէ՞, ինչքան լավ պահեն այդ երեխային, այնքան մեզ համար ավելի լավ»,- կառավարության նիստում հայտնեց Նիկոլ Փաշինյանը։

Նա իր դիտարկումը ներկայացրեց ՀՀ պաշտպանության մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կամ ծառայողական պարտականություններ կատարելու ընթացքում կամ հակառակորդի նախահարձակ գործողության հետևանքով զոհված զինծառայողների ծնողների վերարտադրողական առողջության աջակցման միջոցառման շրջանակներում ծնված երեխաների մինչև 3 տարեկանը խնամքի համար գումար հատկացնելու մասին նախագծի վերաբերյալ։

Նախագծով սահմանվում է, որ պետությունն մինչև 104 հազար դրամ կվճարի երեխային խնամող դայակին, որը չպետք է գրանցված լինի նորածինի հասցեում։

Նիկոլ Փաշինյանը հայտարարեց, որ սխալ է, երբ զոհվածի նորածին եղբոր կամ քրոջը խնամելու համար պետությունը նրա հարազատներին չի վճարում։

Նա հայտնեց, որ ամեն անգամ գործոդիրը քաղաքկանությունը մշակելիս մի կարևոր բան բաց է թողնում։

«Եթե հանգամանքներն այնպես են, որ երեխայի հարազատներից մեկը պետք է այդ գործառույթն իրականացնի, ապա՝ ի՞նչն է վատ այդտեղ»,- հարցրեց Փաշինյանը։

Նա հյատնեց, որ այդ ծրագրով գործազուրկ դայակներին աշխատանքի տեղավորելու խնդիրը չեն լուծում, այլ  նպատակը երեխային հնարավորինս լավ ծառայութնուն մատուցելն է։

«Եթե իր  համար լավ ծառայությունը պետք է իր հարազատ տատիկը մատուցի՝ կառավարության նպատակն էլ հենց դա է, մենք այն կախավարկածով չենք, որ եթե կառավարությունը չվճարեր տատիկին, այդ նույն ծառայությունը չէր մատուցի»,-հայտարարեց Փաշինյանը և նշեց, որ շահառուների այս խմբի համար կարող են այդ բացառությունն անել։

ՀՀ գործադիր մարմնի ղեկավարը շարունակեց. «Ես գիտեմ, որ իմ հաջորդ մարզային կամ ոչ մարզային այցին այսպես լայն ժպիտով գնալու եմ, ասեմ՝ բա, այդ որոշումից օգտվեցի՞ք, սիրելի՛ շահառուներ,  և ինձ առանց ժպտալու պատասխանելու են՝ ոչ, հարցնելու եմ՝ ինչո՞ւ, ասելու են՝ որովհետև ձեր կարգավորման մեջ մի հնարավորություն կա՝ 200 հատ սահմանափակում, մենք ներվեր չունենք այդ 200 սահմանափակումը հաղթահարենք»։

Հայտարարելով, որ նման սահմանափակումները պետք է ուղղված լինեն սողանցքները փակելուն և չարաշահումները կանխելուն՝ Փաշինյանն ասաց, որ չի պատկերացնում, թե երեխա պահելու մեջ չարաշահումը որն է։

Կառավարության անդամներից մեկն պատասխանեց՝ երեխային չպահելը։

«Չպահեն՝ կազատեն աշխատանքից, տատիկին էլ կարող են ազատել աշխատանքից։ Ընդհակառակը, մենք դրանով մայրիկներին լծակ ենք տալիս, որ ասեն՝ հարգելի՛ տատիկ, դուք երկուշաբթի օրվանից ազատված եք աշխատանքից»,-հայտարարեց Փաշինյանը։