Ձեր վստահելի աղբյուրը

«Լավ հիշեցի, ձնամաքրմանը վերաբերող հարցեր»,- Երևանի քաղաքապետարանի գործակարգավարական խորհրդակցության ընթացքում հարցերից մեկի քննարկման ժամանակ ասաց քաղաքապետ Տիգրան Ավինյանը։

«Հարգելի գործընկերներ, բոլոր այն տնտեսվարողները, որոնք իրենց հատվածներում մաքրումը չեն իրականացնում, խնդրում եմ  այս շաբաթ աշխատանք իրականացնել, որովհետև կրկին մեր պարտականությունն է հետևել, որ տնտեսվարողները այդ աշխատանքներն իրականացնեն»,- ասաց նա։

Նշենք, որ Երևանի բարձրադիր վայրերում տեղումների հետևանքով խայտառակ վիճակ է ստեղծվել։ Նոր Նորքում, Ավանում մայթերի մեծ մասն ամբողջությամբ սառցածածկ են, քաղաքացիները շարժվում են դժվարությամբ։ Նրանք դժգոհություն են հայտնում հենց քաղաքապետարանի, թաղապետարանների աշխատանքից։ 

«Նույնիսկ թաղապետարանի շենքի շուրջբոլորն էր սառցադաշտ, հետաքրքիր է՝ ո՞նց են գնում աշխատանքի, որ որևէ մեկը չի նկատում»,- գրել է օգտատերերից մեկը։