Լավ, ի՞նչն էինք մենք տոնում այս բուռն ու ճոխ հրավառություններով, ո՞ր մի հաջողությունը կամհաղթանակը․ Մարության
Երևանի ավագանու նիստում ելույթ ունենալիս Երևանի նախկին քաղաքապետ Հայկ Մարությանը նախ որղունեց ներկաներին, ապա ժպիտով դիմելով Կամո Արեյանին ասաց․ «Պարոն Արեյան, բարև Ձեզ, ո՞նց եք»։
Այնուհետև շարունակեց ելույթը ՝ասելով, որ վերջին անգամ այս դահլիճում ելույթ եմ ունեցել 2 տարի առաջ։
«Երկու տարի առաջ մոտավորապես այս օրերին ՔՊ-ականներն այս դահլիճում իրենց սիրած բառերով ասած՝ «աննախադեպ» բան արեցին՝ իմպիչմենտի ենթարկեցին ընտրված քաղաքապետին՝ առանց որևէ հիմնավոր մեղադրանքի։ Էականն այն է,թե ի՞նչ կորցրեց կամ շահեց Երևանն այս «աննախադեպ» գործողությունից հետո, երբ փոխվել են երկու քաղաքապետեր, տասնյակ թաղապետեր։Ի՞նչ սկզբունքային առավելություն ստացավ մեր քաղաքը, որ մինչ այդ չուներ, ի՞նչ խոշոր պրոեկտ սկսվեց կամ ավարտվեց, որը մինչև այդ տեղի չէր ունենում, պատասխանը շատ պարզ է՝ ոչ մի։ Հակառակը՝ քաղաքային կառավարումը դրանից հետո մտավ չհիմնավորված քաղաքական ճգնաժամի մեջ, որից չի կարողանում դուրս գալ մինչև այսօր։ Մի շարք պրոեկտներ, որոնք պետք է արդեն ավարտին հասցնեին, այս վայրիվերումների պատճառով առկախվեցին և դոփում են իրենց տեղում։ Պարզ օրինակ՝ քաղաքապետարանի լրատվականն օրերս հայտարարեց, որ վերջապես տեղ են ասել վճարման տերմինալները, որոնք հնարավորություն կտան անկանխիկ վճարում կատարել տրանսպորտում, մի ռեֆորմ, որն արդեն գրեթե պատրաստ էր գործարկման 2021 թվականի դեկտեմբերին, բայց չգիտես՝ ինչու հետաձգվեց առնվազն 2 տարով։Կամ թափոնների տեսակավորման կամ ուտիլիզացիայի գործընթացը, որը ընդհանրապես կանգ է առել։ Շների չիպավորման պրոցեսն է մոռավել և այսպես շարունակ։
Այսօր քննարկում են Երևանի գլխավոր ֆինանսական փաստաթղթի բյուջեի նախագիծը։
Բյուջեի եկամուտների հաջորդ տարվա համար նախատեսված է 124 մլրդ դրամ, բյուջեն աճել է հիմնականում աճել է մեր՝ երևանցիներիս, բարձր գույքահարկերի հաշվին, դրա հետ մեկտեղ տարատեսակ ճոխությունների այս նոր իշխանության արած ծախսերը ավելացել են անգամներով, երբեմն տասնապատիկ անգամներով։ Կհիշեք, մի քանի տարի առաջ տոնածառ էինք գնել 74 մլն դրամով. ինչքան քննադատություն եղավ, որ դա ավելորդ ճոխություն է, այն դեպքում երբ այդ ծախսն արվել էր պատերազմից, Քովիդից ու Արցախի կատաստրոֆայից առաջ։ Այդ տոնածառը մինչև հիա զարդարում է քաղաքը արդեն 5 տարի ու 5 տարի էլ կզարդարի։ Մինչդեռ այս տարի միայն տոնածառի լույսերը վառելու վրա ծախսվել է 89 մլն դրամ։ Համեմատության համար ասենք, որ 2018 թվականին ընդամենը 54 մլն դրամով մենք արել էինք 3 միջոցառում՝ նույն լույսերի վառման արարողությունը, Նոր տարվա գիշերվա համերգը և հունվարի 6-ի համերգը Հանրապետության հրապարակում։
Ճոխությամբ և ճաշակով այդ միջոցառումները չէին զիջում այս տարվան։Հիշենք հայտնի գովազդը՝ ինչո՞ւ ավելի թանկ վճարել, եթե արդյունքը նույնն է լինելու, առավել ևս այն դեպքում, երբ այս տարի մեր պատմության մեծագույն ողբերգություններից մեկն ենք տեսել, երբ երկրում ունենք հարյուր հազարավոր արցախցի փախստականներ, որոնց հարցերը դեռ շատ հեռու են լուծված լինելուց, չասած՝ հարցի բարոյական կողմը։ Լավ, ի՞նչն էինք մենք տոնում այս բուռն ու ճոխ հրավառություններով, ո՞ր մի հաջողությունը կամհաղթանակը»։
Լրահոս
Տեսանյութեր
Առնվազն երկու կողմ կա, ովքեր չէին ցանկանա, որ ԵԱՏՄ նիստը Հայաստանում անցկացվեր. Արթուր Խաչատրյան
