Ձեր վստահելի աղբյուրը

«Երևան քաղաքն ունի կենտրոնը բեռնաթափելու խնդիր, որը լուծում է պահանջում։ Դրա համար անհրաժեշտ է ունենալ կառավարման նոր մշակույթ»,- Երևանի ավագանու նիստում ավտոկայանատեղիները թանկացնելու հարցի քննարկմանն ասաց «Մայր Հայաստան» խմբակցության անդամ Մեսրոպ Մանուկյանը։

Նա վստահ է, որ իշխանությունը՝  Երևանում ավտոկայանատեղիները թանկացնելով ու այդպես քաղաքացու գրպանը մտնելով, խցանումների հարցը չի լուծելու։ 

Ավագանու ընդդիմադիր խմբակցության անդամը նշեց, որ խցանումները վերացնելու գործիքակազմի մեջ կա նաև ավտոկայանատեղիներ թանկացնելը, բայց դա ամենավերջում պետք է արվի։

«Կան փափուկ և կոշտ մեթոդներ։ Փափուկ մեթոդներից է  նոր ավտոկայանատեղիների ստեղծումը,- ասաց նա՝ կոնկրետ նշելով վայրեր, թե որտեղ պետք է կառուցվեն դրանք։

Ըստ նրա, կարևոր է նաև հոսքերի ճիշտ կառավարումը. «Բարդ խնդիր է, բայց ես կոնկրետ լուծումներ եմ առաջարկում»։

Հաջորդ կետը, Մ. Մանուկյանի խոսքով, արժանապատիվ տրանսպորտն է։

«Ինձ արժանապատիվ տրանսպորտ բերեք, հրամցրեք»,- ասաց Մանուկյանը։

Նա նշեց, որ եթե իր ասած տարբերակներն արվեն ու արդյունք չստացվի,  նոր կարելի է անցնել թանկացումների։

Մանրամասն՝ տեսանյութում։