Ձեր վստահելի աղբյուրը

«Որևէ մեկը տվյալ ունի՞, թե մենք ծանուցումների համար պետական բյուջեից ինչքան գումար ենք ծախսում»,-կառավարության նիստում ճանապարհատրանսպորտային երթևեկության կանոնների խախտման դեպքում էլէկտրոնային եղանակով ծանութցումներ ստանալու պարագայում 5% զեղչ նախատեսող նախագծի քննարկման ժամանակ հարցրեց Նիկոլ Փաշինյանը։

Արդարադատության նախարար Գրիգորի Մինասյանը  պատասխանեց. «Երեք միլիարդ դրամ միայն պետական հաստատություններին է տրվում, որոնք «ՀայՓոստ»-ի ծառայություններից օտվում են»։
Նախարարը մասնավորացրեց, որ մեծ մասը՝ 2 մլրդ-ը դատարաններինն են և ՃՈ-ինը, իսկ մնացած 1 մլրդը մյուս գերատեսչություններինը։

Հայտնելով, որ երթևեկության հետ կապված առաջիկայում մի կարևոր նորամուծություն է սպասվում՝ Նիկոլ Փաշինյանը հայտնեց. «Նոր համարանիշները պետք է էլեկտրոնային աճուրդով վաճառվեն։ Ես կարծում եմ, որր և նոր և հին և 0-ներով և առանց 0-ների համարանիշները մենք կարող ենք այդ էլեկտրոնային հարթակում արվեն, բայց այստեղ էականն այն է, որ այդ աճուրդները պետք է իրական լինեն։ Պատշաճ այդ մարդկանց պետք է ծանուցվի, որ եթե դուք բազմաթիվ 0-ներով համարանիշմների սիրահար եք, ապա ուրեմը պետք է այդ էլեկտրոնային հարթակ մտնեք, աճուրդին մասնակցեք։