Ձեր վստահելի աղբյուրը

Հարկային օերնսգրքի փոփոխություններով հունվարի 1-ից անշարժ գույքի հարկը բարձրանալու է 43%-ով, 2025-ին կբարձրանա ևս 50%-ով (2024թ-ի համեմատ), 2026ին՝ 34%-ով (2025թ-ի համեմատ)։ Ստացվում է, որ 2026թ.-ին 2023թ. համեմատ անշարժ գույքի հարկը կբարձրանա 3 անգամ։ Panorama.am-ը հիմնահարցը պարզաբանելու համար դիմեց Աուդիտորների պալատի նախագահ Նաիրի Սարգսյանին

«2023 թվականին, երբ ընդունում էին օրենքը, որոշեցին, որ փուլերով է փոփոխությունը ուժի մեջ մտնելու մինչև 2026թ-ը: Առաջիկայում  2024 թ. հունվարի 1-ից, 2025թ. և  2026 թվականին էլ դեռ պետք է բարձրանա անշարժ գույքի հարկը:

Նախկինում, իսկապես, գույքահարկը ցածր է եղել, բայց այս բարձացումը չունի որևէ նպատակ, այսինքը երբ որոշեցին բարձրացնել, այդ քայլը որևէ նպատակ չէր հետապնդում:

Թե հարկային ոլորտում, թե այլ տեղ եթե անունը դնում են բարեփոխում և այն իրական է, ապա այդ բարեփոխումը պետք է որոշակի խնդիր լուծի: Երբ գույքահարկի բարձրացման նախագիծը քննարկվում էր, մենք ասում էինք՝ մի բարձրացրեք բնակֆոնդի վրա, քանի որ ժողովուրդն ունի սոցիալական  լուրջ խնդիրենր, մարդկանց աշխատավարձերը չեն բավարարում, որ գույքային հարկերը բարձր դրույքաչափերով վճարեն, մասնավորապես կենտրոնի այն բնակիչները, ովքեր, օրինակ, խորհրդային միության ժամանակ մանկավարժական ստաժի համար բնակարան են ստացել: Մենք առաջարկեցինք՝ եկեք այն գործարանները, որոնք մնացել են Խորհրդային Միության ժամանակներից, չեն շահագործվում և որևէ կերպ չեն աշխատում, բարձրացնենք դրանց գույքահարկը, դրանով կարևոր խնդիր կլուծենք, կստիպենք, որ գործարանը սեփականաշնորհած և անգործության մատնած անձն այն կամ վերագործարկի, կամ ստիպենք բարձ գույքահարկի պատճառով այն վաճառի այլ կազմակերպություններին և անհատներին, որոնք պատրաստ են այդ գործարանները վերագործարկել: Կառավարությունն այդպես էլ չգնաց այդ քայլին:

Ստացվում է, որ այդ բիզնես-տարածքները, որոնք կարող էին շատ լուրջ արտադրական պոտենցիալ ապահովել, դրանց գույքահարկը չբարձրացավ, ոչ մի բան չկատարվեց, բայց բնակֆոնդի գույքահարկը բարձրացավ:

Այստեղից հետևություն արեցինք, որ սրա իարական նպատակը ընդամենը սեփականությունների վերաբաշխումն է, այսինքը՝ նոր հարստացածները, նոր իշխանության եկածները կարողանան կենտրոնում բնակարաններ ձեռք բերեն: Հարկերով ստիպեն, որ կենտրոնի բնակիչը վաճառի բնակարանը և իրենք կարողանան ձեռք բերել:

Եթե կհիշեք,տարիներ առաջ երբ այդ նախագիծն ընդունվում էր, ԱԺ ՔՊ-ական պատգամավոր կա՝ Հովիկ Աղազարյան անունով, ասում էր՝ հա բա, եթե փող չունեն, ինչո՞ւ են կենտրոնում ապրում, թող գնան ծայրամասերում ապրեն»,-ասաց Նաիրի Սարգսյանը: