![](https://panorama.am/news_images/983/2946372_1/davit_ananyan_1_v1.thumb.jpg)
«Խաղաղության խաչմերուկը» ռազմատուգանք է Հայաստանի նկատմամբ. Դավիթ Անանյան
«Թուրքիայի ու Ադրբեջանի հետ ուղիների ապահովումը, որը ներկայացվում է որպես «խաղաղության» խաչմերուկ, կամ ճանապարհ, կամ օրակարագ, ըստ էության թուրքական աշխարհի կողմից Հայաստանին պարտադրված ռազմական տուգանք է»,- 168 TV-ի «Ռեվյու» հաղորդաշարի եթերում նման տեսակետ է հայտնել «Դի-ԷՍ-ԷՅ Խորհրդատվական խումբ» ընկերության գլխավոր տնօրեն, Պետական եկամուտների կոմիտեի նախկին ղեկավար Դավիթ Անանյանը։
Նրա խոսքով, պատերազմում պարտված կողմին պարտադրել են այդպիսի ճանապարհներ, կամ պարտված կողմը, որպեսզի ունենա որոշակի օրակարգեր, ինքն է առաջարկել այդպիսի ճանապարհներ։
«Բովանդակության առումով դա քաղաքական պարտադրանք է ռազմատուգանքի ձևով».-ասել է Անանյանը։
Ինչ վերաբերում է «խաղաղության խաչմերուկ»-ի իրականացման հետևանքներին, ապա ըստ բանախոսի, այդ ծրագիրը նշանակում է, որ թուրքական աշխարհների միջև գտնվող Հայաստանը, որը որպես սեպ են նրանք ընկալում, մասնատվում է՝ մաղի տրամաբանությամբ։
«Այլևս սեպ չէ. դառնում է ոչինչ՝ սուբյեկտից վերածվելով օբյեկտի։ Հայաստանը դարձել է թատերաբեմ, որտեղ աշխարհի հզորները փնտրում են իրենց շահերը. օրինակ՝ մենք մեր քաղաքականությամբ հեշտացնում ենք Ռուսաստանի սիրախաղը թուրքական աշխարհի հետ»,-մանրամասնել է Անանյանը՝ ընդգծելով, որ չնայած ռազմավարական դաշնակից Ռուսաստանին ունենք բազմաթիվ հարցեր, այդուհանդերձ Հայաստանի իշխանությունն իրեն պետք է պահի ոչ թե նեղացող երեխայի պես, այլ գնա և իր օրակարգային հարցերը բարձրաձայնի այդ բոլոր հարթակներում։
Հարակից հրապարակումներ`
- Երևանը ստացել է խաղաղության պայմանագրի տեքստի շուրջ Բաքվի վերջին առաջարկները. ԱԳՆ
- Հայաստանն ակնկալում է Իրանի անմիջական ներգրավվածությունը «Խաղաղության խաչմերուկ» կոչվող գաղափարը կյանքի կոչելու գործում. Կոստանյան
- «Խաղաղության խաչմերուկ» ծրագրի առավելություններից կարող են օգտվել ոչ միայն Հարավային Կովկասի, այլև ավելի լայն տարածաշրջանի երկրները․ Միրզոյան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան