Ձեր վստահելի աղբյուրը

Օրեր առաջ «Զվարթնոց» միջազգային օդանավակայանից բերման ենթարկված, ապա  արգելանքից ազատ արձակված «Ուժը հայրենյաց» կուսակցության նախագահ Տիգրան Արզաքանցյանը  ԱՄԷ-ում է։

«Շատերին դեռ մտահոգում է «Զվարթնոց» օդանավակայանում տեղի ունեցած միջադեպը։

Հասկանալու համար՝ ես ճամփորդության էի մեկնում և ինձ հետ վերցրել էի օրինական ճանապարհով ձեռք բերված զենք, բայց ուղեբեռի հետ շփոթմունք էր եղել, որի պատճառով համապատասխան փաստաթղթերը կարողացա տրամադրել երեք ժամ ուշացումով։

Հիմա ամեն ինչ կարգին է, ես և  ընտանիքս ԱՄԷ-ում ենք։ Իրավական հարցերն ամբողջությամբ լուծվել են»,- գրել է նա։ 

Հիշեցնենք, որ «Զվարթնոց» օդանավակայանում Արզաքանցայնի ձեռքի պայուսակում հայտնաբերվել էր անհայտ տիպի հրազենի 16 հատ փամփուշտ։ Panorama.am-ին դեկտեմբերի 31-ին Քննչական կոմիտից հայտնել էին, որ քրեական վարույթ է նախաձեռնվել ՀՀ քրեական օրենսգրքի 335-րդ հոդվածի  (Հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) 1-ին մասի հատկանիշներով, նախաքննությունը շարունակվում է, բոլոր հանգամանքները պետք է պարզվեն։