Նիկոլ Փաշինյանի աշխատակազմը դժվարանում է ասել, թե որ թվականի քարտեզի հիման վրա է հրահանգվել զորքերը հետքաշել Սյունիքի և Գեղարքունիքի որոշ հատվածներից
Նիկոլ Փաշինյանի աշխատակազմը դժվարանում է ասել, թե 2020թ․ նոյեմբեր-դեկտեմբեր ամիսներին ՀՀ վարչապետ, այդ ընթացքում ԶՈՒ գերագույն հրամանատար Նիկոլ Փաշինյանն ինչ իրավական փաստաթղթի հիման վրա և որ թվականի քարտեզներն է հիմք ընդունել՝ հանձնարարել զորքերը հետ քաշել Սյունիքի և Գեղարքունիքի մի շարք բնակավայրերից և տարածքներից, որոնց մասին հիշատակում չի եղել 2020թ․ նոյեմբերի 9-ի հայտարարության մեջ։
Այս մասին գրում է «Փաստինֆո»-ն ու մանրամասնում.
«Ավելին՝ դրանց հետևանքով Սյունիքի մի քանի գյուղ կիսվեց, մարդկանց տներն անցան ադրբեջանցիներին, անվտանգային լուրջ խնդիրներ ստեղծվեցին անասնապահության և գյուղատնտեսության համար։
Ինչպես արդեն հայտնել ենք՝ Բաքուն մերժել է զորքերը հայլելային հետքաշելու վերաբերյալ նիկւոլ Փաշինյանի առաջարկը՝ այն համարելով անընդունելի, պատճառաբանելով, որ սահմանների դելիմիտացիան երկարատև աշխատանք է, առավել ևս երբ պարզ չէ նաև ինչ քարտեզի հիման վրա է կատարվելու սահմազանատումը։
«Փաստինֆո»-ն հերթական հարցումն է ուղարկել այս անգամ արդեն Նիկոլ Փաշինյանի աշխատակազմին։ Հարցմամբ արձանագրել էինք, որ համաձայնեցված քարտեզի բացակայության պայմաններում 2020թ նոյեմբեր-դեկտեմբեր ամիսներին իրավական ինչ փաստաղթղի հիման վրա է հանձնարարել զորքերը հետ քաշել Սյունիքի և Գեղարքունիքի մի շարք այն բնակավայրերից, որ թվականի քարտեզներն են հիմք ընդունվել՝ GPS-ով զորքերի հետքաշման համար։ Բացի այդ, եթե որևէ իրավական փաստաթուղթ չկա, ապա արդյո՞ք քննարկման առարկա դարձվել է համապատասխան պաշտոնատար անձանց, այդ թվում՝ ՀՀ ՊՆ նախկին նախարար Վաղարշակ Հարությունյանի, ԶՈՒ ծառայողների պատասխանատվության ենթարկելու բարձրացնելու հարցը։
Գրավոր հարցմանը Փաշինյանի աշխատակազմը չի պատասխանել, այլ հասցեագրել է ՀՀ ԱԳՆ, որտեղից ստացված պատասխանը վերաբերել է բացառապես հայելային հետքաշման մասին հարցադրմանը՝ նշելով, որ այդ այդ առաջարկը շարունակում է մնալ ուժի մեջ։ Ասել է թե՝ Փաշինյանի աշխատակազմը «մտածել-մտածել» է ու գիտակցել, որ հանրային հետաքրքրություն ունեցող սույն հարցին պատասխանելու դեպքում, ըստ էության, խոստովանելու են ՀՀ ինքնիշխանության, տարածքային ամբողջականության դեմ կատարված հանցանքները»։
Նյութն ամբողջությամբ սկզբնաղբյուր կայքում։
Լրահոս
Տեսանյութեր
Մի դարձեք ագրեսիվ գովազդի զոհ. Պիպոյանի խորհուրդը՝ «Սև ուրբաթ»-ին
