Ձեր վստահելի աղբյուրը

ՀՀ գլխավոր դատախազության ապօրինի ծագում ունեցող գույքի բռնագանձնման գործերով վարչության ձևավորումից ի վեր նախաձեռնվել է ապօրինի ծագում ունեցող գույքի վերաբերյալ թվով 438 ուսումնասիրություն, որոնցից 82-ը՝ 2023թ ընթացքում։ Իրավասու մարմնի կողմից իրականացվող ուսումնասիրությունների շրջանակներում 129 (որից 72-ը՝ 2023թ․-ին) անձի վերաբերյալ դատարան է ներկայացվել հայցի ապահովման միջոցներ կիրառելու վերաբերյալ 150 միջնորդություն։ Այս մասին «Փաստինֆո»-ի գրավոր հարցմանն ի պատասխան հայտնել են ՀՀ գլխավոր դատախազությունից։

Նույն աղբյուրի փոխանցմամբ՝ ներկայում ՀՀ հակակոռուպցիոն դատարանում քննվում է ապօրինի ծագում ունեցող գույքի բռնագանձման վերաբերյալ թվով 94 հայցադիմում, որոնցից 71-ը ներկայացվել է 2023 թվականին։

Այսպես՝ ՀՀ գլխավոր դատախազությունը՝ ի դեմս Իրավասու մարմնի, Վլադիմիր Գրիգորյանից, Սերոբ Հարությունյանից, Լյովա Բաղդասարյանից, Սեդրակ Առուստամյանից, Գագիկ Ծառուկյանից Կարապետ Գուլոյանից, Մհեր Սեդրակյանից, Արշակ Հակոբյանից, Կարեն Հակոբյանից, Փայլակ Յայլոյանից, Արտակ Յայլոյանից, Ժաննա Հովհաննիսյանից, Տարոն Մարգարյանից, Մանուկ Մուրադյանից, Մանուկ Օհանյանից, Կարեն Սարդարյանից, Ռուբեն Հայրապետյանից, Կորյուն Հակոբյանից, Արամ Վարդանյանից, Գագիկ Բեգլարյանից, Անուշավան Այվազյանից, Սուրեն Ավագյանից, Անթուն Քուրթյանից, Գևորգ Կոստանյանից, Վարդան Գևորգյանից, Սմբատ Դաղբաշյանից, Գևորգ Հակոբյանից, Ռուբեն Խլղաթյանից, Վահրամ Գուրողլյանից, Վաչագան Ղազարյանից, Սերգեյ Մինասյանից, Գևորգ Վարդանյանից, Սուրեն Վարդանյանից, Սամվել Կճոյանից, Սամվել Ուզունյանից, Ավետիք Դալլաքյանից, Միքայել Ղարաքեշիշյանից, Կարեն Եղիազարյանից, Արտաշես Փարսադյանից, Ալեքսան Պետրոսյանից, Գալուստ Գրիգորյանից, Մանվել Գրիգորյանից, Սեյրան Օհանյանից, Սուրիկ Խաչատրյանից, Արթուր Գևորգյանից, Ռոբերտ Նազարյանից, Ալիկ Միրզաբեկյանից, Ռոբերտ Քոչարյանից, Արթուր Աֆրիկյանից, Գագիկ Խաչատրյանից, Արտյոմ Խաչատրյանից, Արամ Խաչատրյանից, Գուրգեն Խաչատրյանից, Լյովա Սարգսյանից, Նարեկ Սարգսյանից, Անի Սարգսյանից, Սերժ Սարգսյանից, Միհրան Պողոսյանից, Հովիկ Աբրահամյանից, Սուրեն Գաբրիելյանից, Նաիրա Տեր-Ստեփանյանից, Արմեն Սմբատյանից, Անուշ Գարսանցյանից, Վազգեն Հարությունյանից, Զարզանդ Գրիգորյանից, Ղուկաս Վարդապետյանից, Արա Մինասյանից, Սամվել Մայրապետյանից, Լեոնիդ Արևշատյանից, Գևորգ Հարությունյանից, Արամ Դանիելյանից, Առաքել Վիրաբյանից, Սաշա Հակոբյանից, Հրայր Թովմասյանից, Վահե Նիկոյանից, Հովիկ Աբովյանից, Արսեն Սարգսյանից, Վահագն Վերմիշյանից, Արման Ղուկասյանից, Արամ Սիմոնյանից, Աշոտ Վարդանյանից, Մանուկ Հակոբյանից, Անդրանիկ Քասարյանից, Նորայր Փանոսյանից, Ալեքսան Զաքարյանից, Արմեն Մինասյանից, Երվանդ Զախարյանից, Բորիս Ավագյանից, Արթուր Տոնոյանից, Հրանտ Դավթյանից, Վազգեն Պողոսյանից, Ջիվան Պողոսյանից, Արամ Հարությունյանից և նրանց փոխկապակցված անձանցից պահանջում է հօգուտ ՀՀ-ի բռնագանձել ավելի քան 1050 անշարժ և 210 շարժական գույք, ինչպես նաև շուրջ 280 իրավաբանական անձանցում մասնակցություն։

Ներկայացված հայցադիմումների ընդհանուր հանրագումարային արժեքը գերազանցում է 510 մլրդ ՀՀ դրամը։ Ընդհանուր հայցագնի մեջ ներառված չէ իրավաբանական անձանցում մասնակցության, ինչպես նաև՝ մի շարք այլ գույքերի շուկայական արժեքները։