Ձեր վստահելի աղբյուրը

Մոսկվայի Լեֆորտովոյի դատարանը 10 օրով ձերբակալել է ռեփեր Vacío-ին  (Նիկոլայ Վասիլև)՝  խուլիգանության համար։ Այս մասին հայտնում  է «ՌԻԱ Նովոստի» գործակալությունը՝  մանրամասնելով, որ նա դիմադրություն է ցույց տվել ոստիկաններին։

«Դատարանը որոշել է Վասիլև Ն.Մ.-ին մեղավոր ճանաչել Ռուսաստանի Դաշնության Վարչական իրավախախտումների վերաբերյալ օրենսգրքի 20.1-րդ հոդվածի 2-րդ մասով նախատեսված վարչական իրավախախտում կատարելու մեջ (մանր խուլիգանություն. պետական ​​պաշտոնյայի կամ այլ պարտականություններ կատարող անձի օրինական պահանջին չենթարկվելու գործողություններ) և նշանակվել է վարչական կալանք՝ 10 օր ժամկետով»,–ասված է դատարանի որոշման մեջ։

Հիշեցնենք, որ դեկտեմբերին մոսկովյան «Մութաբոր» ակումբում  երեկույթ է անցկացվել,  որին ռուսական էստրադայի շատ աստղեր, հետևելով դրես-կոդին, մասնակցել են կիսամերկ։

Կազմակերպիչը բլոգեր Անաստասիա Իվլեևան էր։ Ակցիան բացասական արձագանքներ, քննադատություններ առաջացրեց հասարակության մեջ։ Իվլեևան և միջոցառման մի շարք մասնակիցներ ստիպված էին արդարացումներ գտնել։

Ռեփերը, որը խնջույքի էր եկել սեռական օրգանների վրա միայն գուլպա հագած, կալանավորվել էր 15 օրով։